![NİDA hərəkatının üç üzvünün həbs müddəti uzadılıb](https://turan.az/resized/./turan-750-500-resize.webp)
NİDA hərəkatının üç üzvünün həbs müddəti uzadılıb
Bu gün Nəsimi Rayon Məhkəməsi NİDA vətəndaş hərəkatının həbsdə olan üç üzvünün barəsində seçilmiş həbs qətimkan tədbirinin daha 3 ay müddətinə uzadılması barədə qərar qəbul edib.
Vəkil Əsabəli Mustafayevin Turan-a verdiyi məlumata görə, Rəşad Həsənov, Bəxtiyar Quliyev və Şahin Novruzlunun həbs müddəti sentyabrın 7-dək uzadılıb.
Onun sözlərinə görə, ibtidai istintaq həbs müddətinin uzadılmasını onunla əsaslandırıb ki, yeni istintaq hərəkətləri aparılmalı, ekspertiza rəyləri alınmalıdır.
Vəkil bu arqumentlərin əsassız olduğunu bildirib və apellyasiya şikayətinin veriləcəyini deyib.
NİDA vətəndaş hərəkatının 7 üzvü həbs edilib. Martın 9-da NİDA-nın üç fəalı – Şahin Novruzlu, Bəxtiyar Quliyev və Məmməd Əzizov saxlanılıb. Məhkəmə onların narkotik və partlayıcı maddələr saxlamaq ittihamı ilə 3 ay müddətinə həbsinə qərar verib.
İstintaq onların mənzilində narkotik maddə və “Molotov kokteyli” aşkarlayıb. Lakin gənclərin ailə üzvləri bunların mənzillərə gənc fəalları saxlayan MTN işçiləri tərəfindən qoyulduğunu deyir.
Amnesty İnternational onları “vicdan məhbusu” sayır.-16B-
-
- İqtisadiyyat
- 30 May 2013 15:07
-
- Siyasət
- 30 May 2013 15:25
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz