![Nikol Paşinyan Azərbaycan xalqını sülhə hazırlamağı qərara alıb?](https://turan.az/resized/media/2019/main/031200017426-750-500-resize.webp)
Nikol Paşinyan Azərbaycan xalqını sülhə hazırlamağı qərara alıb?
Bakı/12.03.19/Turan: Ermənistan KİV Ermənistan və Dağlıq Qarabağ Təhlükəsizlik şuralarının bugünkü birgə iclasının təfərrüatları, Nikol Paşinyanın çıxışı ilə bağlı yazıların dərcini davam etdirir.
Dərc edilmiş fikirlərdən başqa Paşinyan onu da bildirib ki, Ermənistan hakimiyyəti Azərbaycan ictimaiyyətinin sülhə hazırlanmasında iştirak etməlidir. Onun sözlərinə görə, xalqların sülhə hazırlanması danışıqlara cəlb edilmiş hökumətlərdən birinin məsələsi ola bilməz, bu, birgə işdir.
"Mən onu nəzərdə tuturam ki, məsələn, Azərbaycan ictimaiyyətinin sülhə hazırlanması təkcə Azərbaycan hakimiyyəti ilə yox, həm də Ermənistan hakimiyyətinin iştirakı ilə həyata keçirilməlidir", - baş nazir bildirib.
Onun sözlərinə görə, məhz bunun dərk edilməsi onu 2018-ci ilin payızında Ermənistan Milli Məclisində görünməmiş bəyanatla çıxış etməyə məcbur edib və o bildirib ki, münaqişənin həlli həm də Azərbaycan xalqı üçün məqbul olmalıdır.
"Təəssüf ki, Azərbaycan prezidenti tərəfindən bunun kimi bəyanatlar görmürük. Baxmayaraq ki, mən dialoqu təkcə prezident ilə yox, həm də Azərbaycan xalqı ilə davam etdirməyə hazıram. Çünki əminəm ki, Azərbaycan xalqı da erməni xalqı, Arsax xalqı qədər sülhpərvərdir", - Sputnik Armenia baş nazirdən sitat gətirib.
Qarabağın danışıqlar prosesində iştirakına toxunan N.Paşinyan deyib ki, "bu, Azərbaycan prezidenti İlham Əliyev və ATƏT-in Minsk Qrupunun həmsədrləri ilə müzakirələr zamanı mühüm məsələlərdən biri olub və qalır".-02D-
-
- Siyasət
- 12 Mart 2019 22:45
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz