![Nikol Paşinyan danışıqların davam etdirilməsinə tərəfdardır, lakin ATƏT-in Minsk Qrupundan açıqlama tələb edir](https://turan.az/resized/media/2019/main/031200017425-750-500-resize.webp)
Nikol Paşinyan danışıqların davam etdirilməsinə tərəfdardır, lakin ATƏT-in Minsk Qrupundan açıqlama tələb edir
Bakı/12.03.19/Turan: Ermənistan baş nazirinin məsuliyyət yükünü öz üzərindən atmaq istəməsi və Qarabağ xalqını təmsil edə bilməməsi barədə fikirlər cəfəngdir. Bu barədə Ermənistanın baş naziri Nikol Paşinyan çərşənbə axşamı Ermənistan və Qarabağ Təhlükəsizlik şuralarının birgə iclasında bildirib.
"Hər hansı spekulyasiyaya yol verilməməsi üçün bunu bəyan etməyi vacib sayıram: Ermənistan Respublikası olub, var və Qarabağın təhlükəsizliyi üçün bir nömrəli qarant olacaq və dinc prosesdə öz iştirakını davam etdirəcək", - news.am Paşinyandan sitat gətirib.
Sonra Paşinyan bildirib ki, ATƏT-in Minsk Qrupu həmsədrlərinin danışıqlar prosesində əsas kimi təklif etdikləri 3 prinsip və 6 elementi Ermənistanın qəbul etməsilə bağlı sualı cavablandırmağı vacib sayır.
"Bu, həqiqətən vacib məsələdir və bizim açıqlamalara ehtiyacımız var: bu prinsiplər praktikada nə deməkdir, onları şərh etməyə kimin hüququ var? Bu, vacibdir, çünki bu prinsipləri Azərbaycan təfsir edir, bizim üçün qəbuledilməzdir. Əlbəttə, biz bu prinsiplərlə bağlı öz şərhlərimizlə çıxış edə bilərik, ancaq bu, faydasızdır, çünki bizim məqsədimiz mübahisə deyil, effektli danışıqlar prosesidir. Danışıqlar prosesinə fikir ayrılığına səbəb olmayan bəyanatlar əsas olmalıdır. Lakin həmsədrlərin təklif etdikləri prinsiplər, elementlər son 10 ildə ən müxtəlif şəkildə təfsir edilib. Odur ki, yaxın danışıqlar prosesində əsas məqsəd 3 prinsip və 6 elementin açıqlanması olmalıdır. Biz belə söhbətə hazırıq", - N.Paşinyan deyib.
Rəsmi Bakı və ATƏT-in Minsk Qrupunun timsalında beynəlxalq vasitəçilər hələlik N.Paşinyanın bu qarmaqarışıq bəyanatını şərh etməyiblər. Lakin onun sözlərindən belə nəticəyə gəlmək olar ki, Ermənistan Azərbaycanla danışıqları davam etdirəcək. -02D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz