Nikol Paşinyan Azərbaycanla barışığa dair bir sıra təkliflər irəli sürüb

Ermənistanın baş naziri Nikol Paşinyan Facebook səhifəsində regionda uzuznmüddətli sülhün bərqərar olması ilə bağlı təkliflərini dərc edib. Bu təkliflər arasında o, Azərbaycana təkcə beynəlxalq məhkəmələrdə deyil, ümumiyyətlə də qarşılıqlı iddialardan imtina etməyi təklif edib. 

Digər təkliflər hərbi ritorikadan istifadə edilməməsini; sərhədlərin demarkasiyasının davam etdirilməsini; atəşkəs rejimi pozuntularının araşdırılması üçün birgə mexanizm yaradılmasını; ATƏT-in Minsk Qrupunun buraxılmasını ehtiva edir.

Paşinyan Azərbaycan tərəfin "Qərbi Azərbaycan" ifadəsindən istifadə edərkən Ermənistanı nəzərdə tutduğundan, bununla da respublikanın ərazi bütövlüyünü şübhə altına qoyduğundan əmin olduğunu bildirib. O, bu termindən istifadə etməməyə, həmçinin qaçqınların hüquqlarının müzakirəsi zamanı bu məsələni qaldırmamağa; "Sülh kəsişməsi" layihəsini həyata keçirməyə və Azərbaycanın Naxçıvanla əlaqəsi problemini həll etməyə; saxlanılan şəxslər problemini həll etməyə; münaqişə zamanı itkin düşmüş şəxslərin talelərinə aydınlıq gətirilməsi üzərində intensiv şəkildə işləməyə çağırıb.