“Mən Leyla Yunusun və İntiqam Əliyevin həbs müddətinin uzadılması barədə xəbərlərdən məyus olmuşam”, - Avropa Şurası insan hüquqları üzrə komissar Nils Mujnieks Bakı səfərinin yekunlarını Turan-a şərh edərkən bildirib.
“Mən baş prokuror Qaralov və ədliyyə naziri Məmmədovla bu mövzuları müzakirə etdim, Leyla Yunusun səhhətinin pis olmasını nəzərə alaraq onun azadlığa buraxılmasının vacibliyini qeyd etdim. Lakin hər şey əksinə oldu”, - Avropa komissarı vurğulayıb.
O qeyd edib ki, rəsmi şəxslərlə danışıqlar zamanı söhbət hüquqi aspektlərdən, hüquq müdafiəçilərinin əsassız olaraq həbsdə saxlanmasından və Avropa İnsan Hüquqları Məhkəməsinin qərarlarından gedib.
“Mən əsasən İlqar Məmədovun işi üzrə qərarın icrasının vacibliyini qeyd etdim”, - komissar bildirib.
Azərbaycanda insan hüquqlarının vəziyyətinə ümumi qiymət verən Mujnieks bunun çox ağır olduğunu deyib. “Demək olar tərəfdaşlarımızın hamısı həbsxanadadır, - o qeyd edib.
“Bu vəziyyətdə Avropa Şurası nə etmək fikrindədir” sualının cavabında Mujnieks deyib ki, baş katib Yanqland, prezident Brasser və Avropa Şurasının digər liderləri vəziyyətdən narahatdırlar və rəsmi Bakı ilə müntəzəm əlaqə saxlayırlar.
“Avropa Şurası Azərbaycana qarşı xüsisi addımlar ata və sanksiya qəbul edə bilərmi” sualının cavabında Mujnieks deyib ki, bu cür məsələlər Parlament Assambleysının səlahiyyətinə aiddir, belə PA insan hüquqlarının pozulmasına görə Rusiyaya artıq sanksiya tətbiq edib.
“Mənə gəlincə, Avropa komissarının vəzifəsi insan haqları probleminin həllinə yardım etməkdir. Düşünürəm ki, Azərbaycan hakimiyyəti Avropa Şurası ilə birgə qəbul etdiyi 2014-16-cı illər üçün Fəaliyyət Planının müddəalarını yerinə yetirməlidir.
Azərbaycan hakimiyyəti başa düşməlidir ki, qanunvericiliyi sərtləşdirməklə, vətəndaş cəmiyyətinin işini mümkünsüz etməklə, sərf etməyən QHT-ləri qeydiyyata almamaqla insan hüquqları problemlərindən uzaqlaşır”, - komissar bildirib.
O qeyd edib ki, bu gün demək olar ki, Azərbaycanda hüquq-müdafiə fəaliyyəti yoxdur. Bundan əlavə, hakimiyyət bu sahədə vəziyyətin yazşılaşdırılması barədə tövsiyələrə nəinki məhəl qoymur, hətta onların sərtləşdirilməsi yolu ilə gedir. Bütün bunlar narahat edir, məyusluq doğurur”, - o vurğulayıb.
Qeyd edək ki, Mujnieks Bakıya ikigünlük səfəri zamanı həbsdə olan hüquq müdafiəçiləri Leyla Yunus, İntiqam Əliyev, Rəsul Cəfərov və Anar Məmmədli ilə görüşüb. Bundan əlavə, Avropa komissarı hüquq müdafiçilərinin vəkilləri ilə görüşüb.02В-
Siyasət
-
Plastik cərrahiyyə fəaliyyətinə dair saxta sertifikatların verilməsinə görə Səhiyyə Nazirliyinin məmurlarına cinayət işi açılıb. Bu barədə Baş Prokurorluq və Səhiyyə Nazirliyinin 27 dekabr tarixli birgə məlumatında deyilir.
-
Rusiyanın hava hücumundan müdafiə sistemi səhvən AZAL-ın təyyarəsinə hücum etsə də, Rusiya buna görə məsuliyyət daşıyır. Bu barədə bu gün Müsavat Partiyası bildirib.
-
AZAL Bakıdan Rusiyanın digər üç şəhərinə – Nijni Novqorod, Vladiqafqaz və Saratova sərnişin reyslərini dayandırır. Bu barədə AZAL-ın 27 dekabr tarixli məlumatında deyilir.
-
Ermənistan oktyabrda Xankəndidə vəfat etmiş yaşlı erməninin cənazəsini qəbul etməkdən imtina edir. Əgər erməni tərəfi yanvarın sonuna qədər qadının cənazəsini qəbul etməsə, o, Azərbaycanda dəfn olunacaq. Bu barədə Azərbaycanın Əsir və itkin düşmüş, girov götürülmüş vətəndaşlarla əlaqədar.
Rəy yaz