![Novruz Məmmədov ABŞ-a gedib](https://turan.az/resized/750/500/resize/media/2013/main/091900050227.jpg)
Novruz Məmmədov ABŞ-a gedib
Prezident Administrasiyası rəhbərinin müavini, beynəlxalq əlaqələr şöbəsinin müdiri Novruz Məmmədov ABŞ-da səfərdədir.
Turan-ın Vaşinqton müxbirinin məlumatına görə, sentyabrın 18-də o, ABŞ dövlət katibinin müavini Bill Berns ilə görüşüb. Mətbuata danışıqların məzmunu barədə məlumat verilməyib.
Tərəflər N.Məmmədovun səfərinin səbəblərini şərh etmirlər. Azərbaycan Prezident Administrasiyasındakı mənbə onun ABŞ-a getdiyini təsdiqləyib, lakin hər hansı şərh verməkdən imtina edib.
Çox güman ki, N.Məmmədov ABŞ-a hansısa missiya ilə gedib. Səfər ikitərəfli münasibətlərdəki müəyyən gərginliyin olması fonunda baş tutub. Sentyabrın birinci ongünlüyündə rəsmi Bakı Azərbaycanda insan hüquqlarının pozulmasını kəskin tənqid edən ABŞ dövlət katibinin demokratiya, insan hüquqları və əmək məsələləri üzrə köməkçisinin müavini Tomas Melianı qəbul etməkdən imtina edib.
Digər tərəfdən, Naxçıvan Muxtar Respublikasında hakim Yeni Azərbaycan Partiyasının regional təmsilçiləri “məşğul olduqlarını” bəhanə edərək ABŞ səfirinin müavini Derek Hoqanla görüşdən imtina ediblər.
T.Melianın səfərinin baş tutmamasını və NMR-də hakim partiya nümayəndələrinin səfirliyin əməkdaşlarına məhəl qoymamasını Azərbaycan hakimiyyətinin prezident seçkiləri ilə bağlı Vaşinqtonun mövqeyindən narazı qalması kimi qiymətləndirmək olar. 25D06--
Siyasət
-
Cüdoçu Zelim Kotsoyev Parisdə keçirilən Olimpiya Oyunlarında Azərbaycana ikinci qızıl medal qazandırıb.
-
49 gündür Penitensiar Xidmətin müalicə müəssisəsində aclıq edən Fazil Qasımovun vəziyyəti kritik olaraq qalır. Bu barədə Turan agentliyinə onun vəkili Rövşanə Rəhimova avqustun 1-də Qasımova baş çəkdikdən sonra bildirib.
-
Avqustun 1-də Ankara aeroportunda Moskva və Vaşinqton arasındakı münasibətlər tarixində ən böyük məhbus mübadiləsi olub: 24 məhbusun mübadiləsi həyata keçirilib. Rusiya tərəfi 16 nəfəri (bu qrupa ABŞ vətəndaşları, ikili vətəndaşlığı olan şəxslər və rusiyalılar daxildir) ABŞ-a təhvil verib.
-
Növbədənkənar parlament seçkilərində iştirakla bağlı 1489 nəfər namizədlik üçün müraciət edib. Onlardan 481 nəfərin namizədliyi qeydə alınıb. Bu barədə avqustun 1-də Mərkəzi Seçki Komissiyasının iclasında qurumun sədri Məzahir Pənahov bildirib.
Rəy yaz