Noyabrın 8-də Bakıda bayram konserti və atəşfəşanlıq olacaq

Bakı/04.11.23/Turan: Zəfər Günü - noyabrın 8-də Bakıda dənizkənarı bulvarda bayram konserti keçiriləcək.

Konsertə hazırlıq çərçivəsində köhnə paytaxt sakinlərinin "Paraşüt Qülləsi" adlandırdığı "Saat Qülləsi"nin yanında böyük səhnə quraşdırılır.  

Noyabrın 8-də axşam bulvarda bayram atəşfəşanlığı da olacaq.

Noyabrın 8-də Xankəndi şəhərində də bayram tədbiri keçirilməsi planlaşdırılır.

2020-ci ildə 44 günlük müharibədə Azərbaycanın Ermənistan SQ üzərində qələbəsi münasibətilə 8 noyabr Azərbaycanda Zəfər Günü kimi qeyd edilir. 

Hərbi əməliyyatlar zamanı Azərbaycan ordusu Füzuli, Cəbrayıl, Qubadlı, Zəngilan rayonlarını, Hadrut qəsəbəsi də daxil olmaqla, Xocavənd rayonunun böyük hissəsini azad edib.

Noyabrın 8-də strateji əhəmiyyətə malik Şuşa şəhəri azad edilib, bundan sonra Ermənistan faktiki olaraq təslim olub, Ağdam, Kəlbəcər və Laçın rayonundan da qoşunlarını çıxarmaq öhdəliyi götürüb.

19-20 sentyabr 2023-cü il tarixlərində antiterror əməliyyatı zamanı Azərbaycan bütünlükdə Qarabağ üzərində suverenliyini tam bərpa edib və qanunsuz separatçı rejimə son qoyub.

8 noyabr qeyri-iş günüdür.

Bu il 8 noyabr - Zəfər Günü və 9 noyabr - Bayraq Günü bayramları ilə əlaqədar təqvimdə edilən yerdəyişmələrə görə, ardıcıl olaraq 5 gün - 8-12 noyabr tarixləri qeyri-iş günü olacaq.

Qeyd edək ki, Azərbaycanda mayın 9-da da Qələbə Günü qeyd edilir, bu gün rəsmi olaraq Faşizm üzərində Qələbə Günü adlandırılır. 06В