![O'Brayen: "Azərbaycan və Ermənistan arasında sülh bütün region üçün faydalı olacaq"](https://turan.az/resized/news/2024/UM01JBtQ9vTNIrvFS2OPohbvUmmxl5xBaxNDKML4-750-500-resize.webp)
O'Brayen: "Azərbaycan və Ermənistan arasında sülh bütün region üçün faydalı olacaq"
O'Brayen: "Azərbaycan və Ermənistan arasında sülh bütün region üçün faydalı olacaq"
ABŞ Azərbaycan və Ermənistan arasında sülhə nail olmaq üçün imkanlarş görür. Bu barədə bu gün Bakıda keçirilən brifinqdə ABŞ dövlət katibinin Avropa və Avrasiya məsələləri üzrə köməkçisi Ceyms O'Brayen bildirib.
O qeyd edib ki, "münaqişənin nizamlanması bütün region üçün faydalı olacaq, eyni zamanda, iqtisadi fayda gətirəcək".
Hərbi təchizatla bağlı Ermənistan və Fransa arasında razılaşmalara toxunan amerikalı diplomat deyib ki, "hər bir ölkənin özünümüdafiə hüququ var".
"Biz görürük ki, Azərbaycan da bu istiqamətdə işləyir", - o əlavə edib.
O'Brayenin fikrincə, yeni silahların alınması həm də "tərəflər arasında inamın çox az olmasının göstəricisidir". "Və bu başa düşüləndir, çünki söhbət 30 illik münaqişədən gedir", - amerikalı diplomat əlavə edib.
O qeyd edib ki, tərəflər sülh quruculuğu və etimadın yaradlması istiqamətində çalışırlar.
O'Brayen Azərbaycanın COP-29-u qəbul etməsini Ermənistanın dəstəklədiyini, Azərbaycan tərəfindən saxlanılan ermənilərin azad edildiyini, sərhədlərin demarkasiyası prosesini xatırladaraq, bu addımları "müsbət" hərəkətlər adlandırıb.
O'Brayen ABŞ-ın Azərbaycan və Ermənistanı iyulun 9-11-də Vaşinqtonda keçiriləcək NATO sammiti çərçivəsində tədbirlərə dəvət etdiyini bildirib.
"Biz hər iki ölkənin iştirakını gözləyirik. Ümumilikdə, bu ölkələr də daxil olmaqla, 30 dövlətin iştirakı gözlənilir", - O'Brayen deyib.
Qarşıdakı COP29 iqlim sammitilə bağlı amerikalı diplomat qeyd edib ki, ABŞ bu tədbirin keçirilməsində Azərbaycana texniki dəstək verəcək.
O' Brayen həmçinin diqqəti ona yönəldib ki, Bakıda keçirilən görüşlərdə insan hüquqları və demokratiyanın təminatı məsələlərinin əhəmiyyətinə toxunlub.
O, Avropanın enerji təchizatında Azərbaycanın rolunu qeyd edib.
"Bəzi Avropa ölkələri Rusiya qazından tamamilə imtina ediblər, bəziləri satınalmaları azaldıblar. Azərbaycan Avropanın enerji mənbələrinin diversifikasiyasında aparıcı rol oynayan ölkələrdən birinə çevrilib", - O’Brayen deyib.
-
- Cəmiyyət
- 28 İyun 2024 17:07
Siyasət
-
İyunun 28-də ADR Gənclər komitəsinin üzvü Pərvin Çobanov 20 sutka inzibati həbsə məhkum edib. O polisin qanuni tələbinə tabe olmamaqda günahlandırılıb.
-
İyunun 28-də Bakının Nərimanov Rayon Məhkəməsi hakim Hafiz Kamranovun sədrliyi ilə İstanbul Universitetinin doktorantı Fazil Qasımov barəsində seçilmiş həbs qətimkan tədbirinin ev dustaqlığı tədbiri əvəz olunması barədə vəsatəti təmin etməyib.
-
İranın 14-cü prezident seçkilərində islahatçılar qanadına aid olan Məsud Pezeşkian 43,5 faiz səslə liderdir. Onun ardınca 37,7 faiz səslə konservatorlar qanadından Səid Cəlili gəlir. Bu barədə islam respublikasının seçki qərargahının nümayəndəsi Möhsün Eslami bildirib, xəbəri Anadolu Agentliyi yayıb.
-
İranda keçirilən növbədənkənar prezident seçkilərində 12 milyon səsin sayılmasının nəticələrinə görə islahatçı qanaddan namizəd olan parlamentin keçmiş deputatı Məsud Pezeşkian liderdir, bu barədə IRIB telekanalının efirində ölkənin seçki qərargahının nümayəndəsi Möhsün Eslami bildirib.
Rəy yaz