Bakı/18.02.20/Turan: Saat 15:30-da MSK binası qarşısında polis tərəfindən saxlanılıb aparılan deputatlığa namizəd, hüquqşünas Xalid Bağırov şəhərin o biri ucunda - Bayraq Meydanı yaxınlığında azad edilib və maşından endirilib.
Ona heç bir izahat verilməyib. -02B-
* * *
2020 Fevral 18 (Çərşənbə axşamı) 16:30:10
Deputatlığa namizəd MSK binası qarşısında "oğurlanıb"
Bakı/18.02.20/Turan: Deputatlığa namizəd Xalid Bağırov fevralın 18-də saat 15:30-da MSK binası qarşısında polis işçiləri tərəfindən saxlanılıb, maşına mindirilib vənaməlum istiqamətə aparılıb.
Hadisə çoxsaylı jurnalistlərin gözü önündə baş verib.
Eyni zamanda, polis dəstələri qadın namizədlər Rabiyə Məmmədova və Nurlanə Cəlili MSK binasından uzaqlaşdırıblar. Bir müddət sonra qadınların geri qayıtmasına icazə veriblər.
Namizədlər özləri MSK-nın qarşısına narazılıqlarını bildirmək və MSK-nın saxtakarlıqlar haqqında şikayətlərini niyə bu saxtakarlıqların törədildiyi yerə, yəni Dairə Seçki Komissiyasına göndərdiyi haqqında suallara cavab tələb etmək üçün gəliblər.
Namizədlərin sözlərinə görə, MSK onların etirazlarına məhəl qoymur və Milli Məclisə 9 fevral seçkiləri zamanı baş vermiş pozuntu faktlarını obyektiv şəkildə araşdırmaq niyyətində deyil. -02B-
Siyasət
-
Aktauda təyyarəmizin qəzaya uğraması bir neçə suala cavab tələb edir: 1. Bu qəzada həlak olanların çoxları əvvəllər qatar və ya avtonəqliyyat vasitəsi ilə Şimali Qafqaza gedən şəxslərdir. Azərbaycan illərdir quru sərhədlərini bağlı saxlamasaydı, bu qurbanlar olmaya bilərdi.
-
NATO "Azərbaycan Hava Yolları"na məxsus sərnişin təyyarəsinin Qazaxıstanın Aktau şəhəri yaxınlığında qəzaya uğraması ilə əlaqədar başsağlığı verib. Bu barədə Alyansın mətbuat katibi Fərəh Daxlallah "X" hesabında paylaşım edib.
-
İran prezidenti Məsud Pezeşkian dekabrın 26-da Azərbaycan prezidenti İlham Əliyevə zəng edib.
-
Dekabrın 26-da Böyük Britaniyanın Bakıdakı səfirliyi AZAL-ın təyyarəsinin Aktauda qəzaya uğraması nəticəsində həlak olanların xatirəsinə matəmlə əlaqədar bayrağı endirib.
Rəy yaz