Olimpiadanın qaliblərinə böyük miqdarda pul mükafatları ayrılıb
Olimpiadanın qaliblərinə böyük miqdarda pul mükafatları ayrılıb (yenilənib)
Avqustun 13-də prezident İlham Əliyev “Fransanın Paris şəhərində keçirilən XXXIII Yay Olimpiya Oyunlarında Azərbaycan Respublikasının idmançıları və onların məşqçiləri üçün ən yüksək nəticələrə görə mükafatların müəyyən edilməsi haqqında” sərəncam imzalayıb.
Sərəncama əsasən, birinci yeri tutan hər bir idmançıya 400 000 manat, onun məşqçisinə 200 000 (yüz min) manat; ikinci yeri tutan hər bir idmançıya 200 000 manat, onun məşqçisinə 100 000 manat; üçüncü yeri tutan hər bir idmançıya 100 000 manat, onun məşqçisinə 50 000 manat veriləcək.
Paris olimpiadasında azərbaycanlı idmancılar 2 qızıl və gümüş, üç bürünc medal qazanıblar.
Paris Olimpiadasında medal alan idmançılar Azərbaycan Olimpiya Komitəsindən də pul mükafatları alacaqlar.
Belə ki, qızıl medal qazananlara 200 min manat, onların məşqçilərinə isə 100 min manat veriləcək.
Gümüş medallar üçün müvafiq olaraq 100 min manat və 50 min manat, bürünc medallar üçün isə 50 min manat və 25 min manat mükafat veriləcək.
Beləliklə, Olimpiada çempionu adını qazananların ümumi pul mükafatları 400+200=600 min manat (təxminən 353 min dollar), onların məşqçilərinin pul mükafatları isə 200+100=300 min manat (176,4 min dollar) təşkil edəcək.
Gümüş medal sahibləri 300+100 min manat (176,4 min dollar), onların məşqçiləri isə 100+50 min manat (88,2 min dollar), bürünc medal qazananlar 100+50 min manat (88,2 min dollar), onların məşqçiləri isə 50+25 min manat (44,1 min dollar) alacaqlar.
Bundan başqa, hər bir idman növü üzrə komandanın baş məşqçisi medal qazanan idmançının şəxsi məşqçisinin aldığı mükafata bərabər ölçüdə mükafat alacaq.
Xatırladaq ki, Olimpiada medalçıları artıq dövlət başçısının Olimpiya Komitəsinin mükafatlarından iki dəfə artıq pul mükafatı ilə təltif ediliblər.
Siyasət
-
Müsavat Partiyasının sədri İsa Qəmbər avqustun 14-də ATƏT-in Seçki Müşahidə Missiyasının rəhbəri Ditmir Buşati ilə görüşüb. Görüş Müsavat Partiyasının qərargahında keçirilib və sentyabrın 1-nə təyin olunan növbədənkənar parlament seçkiləri ilə bağlı müzakirələr aparılıb.
-
Türkiyə hakimiyyəti ölkəyə gələn hər kəsin barmaq izini götürmək barədə qərar verib. Bu barədə "Sabah" nəşri ölkənin daxili işlər naziri Ali Yerlikayaya istinadla xəbər yayıb. Lakin bu qərarın hansı tarixdən etibarən tətbiq ediləcəyi açıqlanmayıb.
-
İnternet provayderləri arasında sui-istifadə hallarına qarşı araşdırmalara başlanılıb, bu barədə avqustun 14-də İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti məlumat yayıb.
-
Azərbaycan prezidentinin köməkçisi Elçin Əmirbəyovun "Azadlıq" radiosuna bu yaxınlarda verdiyi müsahibəsində Bakı və Yerevanın Zəngəzur dəhlizi bəndinin sülh müqaviləsindən çıxarılması və onun müzakirəsinin sonrakı mərhələyə keçirilməsi barədə qərara gəlinməsi haqqında sözləri xüsusi diqqət çəkməyib.
Rusiyanın Avropadakı hədəfləri arasında Azərbaycan da var? – Elxan Şahinoğlu Çətin sualda
Xəbər lenti
-
- Siyasət,
- 11:15
- 412
Rəy yaz