Açiq mənbələrdən foto.
Ombudsman aparatı Emin Saqiyevin aclıq etdiyini təsdiq edir
Bakı/02.09.20/Turan: Ombudsman yanında Milli Preventiv Qrupun (MPQ) üzvləri sentyabrın 2-də 6 və 17 saylı cəzaçəkmə müəssisələrində əvvəlcədən xəbərdarlıq etmədən monitorinqlər keçiriblər.
Press-relizdə yer alan məlumata görə, onlar 6 saylı cəzaçəkmə müəssisəsində bir sıra məhbusla, o cümlədən uzun müddətdir aclıq aksiyası keçirən Emin Saqiyevlə konfidensial qaydada görüşüblər.
“O, barəsində olan məhkəmə qərarından narazılığını əsas göstərərək bu addımı atdığını bildirib”, deyə məlumatda bildirilir.
17 saylı cəzaçəkmə müəssisəsində ombudsmanın nümayəndələri başqa müəssisəyə köçürülməsi tələbi ilə aclıq aksiyası keçirən Vahid Əliyevlə görüşüblər.
MPQ üzvləri tərəfindən adı çəkilən məhkumlara qida qəbulunu bərpa etmələri ilə bağlı, habelə müəssisə rəhbərliyinə və tibbi-sanitar hissəyə məhkumların səhhətinin həkim nəzarətində saxlanılması məqsədilə müvafiq tövsiyələr verilib.
Öz növbəsində, Saqiyevin həyat yoldaşı Turan agentliyinə ombudsman nümayəndələrinin Saqiyevə baş çəkdiyini təsdiq edib və bildirib ki, həyat yoldaşı avqustun 18-da başladığı aclığı dayandırmayıb.
Saqiyevin səhhəti pisləşib, təzyiqi aşağıdır, ürəyində və böyrəklərində ağrılar var, deyə həyat yoldaşı qeyd edib.
Xatırladaq ki, Saqiyev 2017-ci ilin noyabrında həbs edilib, 2018-ci ildə isə böyük ölçüdə narkotik ticarətində ittiham olunaraq 7 il müddətinə azadlıqdan məhrum edilib. Amma yerli hüquq müdafiəçiləri Saqiyevin bacanağı, siyasi mühacir Türkel Azərtürkün jurnalist fəaliyyətinə görə cəzalandırıldığı qənaətindədirlər. Azərtürk bir neçə ildir Avropada yaşayır və “Azərbaycan saatı” internet resursunda Azərbaycan hakimiyyətini kəskin tənqid edirdi.
Ali Məhkəmə Saqiyevin barəsindəki hökmdən verdiyi kassasiya şikayətini təmin etmədikdən sonra o, aclığa başlayıb. Müdafiə tərəfi AİHM-yə şikayətlə müraciət etmək niyyətindədir. -06В-
Siyasət
-
Gürcüstanın həbsdə olan sabiq prezident Mixail Saakaşvili Gürcüstan azərbaycanlılarını oktyabrın 26-da keçiriləcək parlament seçkilərində fəal iştirak etməyə çağırıb.
-
Səfir Mark Libbi bu gün doktor Qubad İbadoğlu ilə görüşüb və onun səhhəti ilə bağlı narahatlığını bildirib.
-
Oktyabrın 25-də Avropa İttifaqının (Aİ) Azərbaycandakı səfiri Peter Mixalko Xarici İşlər Nazirliyinə çağırılıb və Avropa Parlamenti tərəfindən 24 oktyabr tarixində qəbul edilmiş qətnamə, eləcə də bu qurumda baş tutmuş müzakirələr çərçivəsində Avropa Komissarı tərəfindən səsləndirilən əsassız və qərəzli fikirlər qəti şəkildə pislənib və bununla bağlı qarşı tərəfə etiraz notası təqdim edilib. Bu barədə Azərbaycan XİN-in mətbuat xidmətinin 25 oktyabr tarixli məlumatında deyilir.
-
Şimali Koreya Rusiyaya əlavə qoşun göndərməyi planlaşdırır, bu barədə Cənubi Koreyanın kəşfiyyat idarəsi məlumat yayıb. Belə ki, Cənubi Koreyadan 10 000-ə yaxın əsgərin cəlb edilməsi çərçivəsində 1500 hərbiçidən ibarət ilk qrup artıq Rusiyanın Uzaq Şərqində təlim keçir. Bu bölmələr 8-13 oktyabr tarixlərində Vladivostoka gəliblər, bu barədə Bloomberg yazır.
Rəy yaz