![Ruben Vardanyan in the pre-trial detention center of the State Security Service of Azerbaijan](https://turan.az/resized/media/2023/main/100600067677-750-500-resize.webp)
Ruben Vardanyan in the pre-trial detention center of the State Security Service of Azerbaijan
Ombudsman: “Ruben Vardanyanın saxlanma şəraitilə bağlı şikayəti yoxdur”
Bakı/06.10.23/Turan: Azərbaycan ombudsmanı Səbinə Əliyeva saxlanma yerlərinin monitorinqi çərçivəsində Qarabağda separatçı rejimin keçmiş "dövlət naziri" Ruben Vardanyana baş çəkib. Ombudsmanın ofisinin məlumatına görə, Vardanyanın saxlanma şəraitilə bağlı şikayəti yoxdur.
Azərbaycanın insan hüquqları üzrə müvəkkili əvvəlcədən xəbərdarlıq etmədən saxlanma yerlərinə baş çəkib. Əliyeva digər şəxslərlə yanaşı sentyabrın 27-də Laçın sərhəd-keçid məntəqəsində saxlanılan Vardanyanı ayrıca qəbul edib, Ombudsman Aparatının mətbuat xidmətinin məlumatında deyilir.
Oktyabrın 3-də görüş zamanı ombudsman Vardanyanın müraciətini dinləyib, ona cavab verib. Saxlanılan şəxsin hüquqlarının təmin edilməsi vəziyyətinin monitorinqi aparılıb.
O, saxlanma şəraitindən razı qaldığını bildirib, ilkin tibbi müayinədən keçdiyini və səhhətində heç bir problemin olmadığını deyib. Ailə üzvlərilə telefon danışığı, bağlamaların çatdırılması, kitabxanadan istifadə və informasiyaya çıxış təmin edilib.
Eyni zamanda, həbs olunmuş şəxsin istintaq dövründə hüquqlarının müdafiəsi onun ailəsinin seçdiyi vəkil tərəfindən həyata keçirilir, məlumatda qeyd olunur.
Başçəkmə zamanı müəssisədə saxlanma şəraiti – şəxsi gigiyena və sanitariya, tibbi xidmət, qidalanma araşdırılıb, müəyyən edilib ki, saxlanılanların hüquqları, informasiyaya çıxışı təmin edilir, zəruri tibbi-psixoloji xidmətlər göstərilir, Ombudsman Aparatının mətbuat xidmətinin məlumatında bildirilib.
Əvvəlcə Vardanyanın hüquqlarını Bakıdakı 12 saylı Vəkil Bürosunun vəkili Faiq Hüseynov müdafiə edib.
O, Turan-ın müxbirilə söhbətində bildirib ki, müdafiə etdiyi şəxslə müntəzəm görüşüb. Vardanyanın saxlanma şəraiti və səhhətilə bağlı şikayəti olmayıb.
Faiq Hüseynovun sözlərinə görə, sonradan Vardanyanın ailəsi onun xidmətlərindən imtina edib və başqa vəkil tutub. 06B
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz