![Ombudsmanın nümayəndələri təcridxanada Hafiz Babalıya baş çəkiblər](https://turan.az/resized/news/2024/ikKimuatqTgnqvmwHbMJ7S7K3GhdX0SJfu09KpDT-750-500-resize.webp)
Ombudsmanın nümayəndələri təcridxanada Hafiz Babalıya baş çəkiblər
Ombudsmanın nümayəndələri təcridxanada Hafiz Babalıya baş çəkiblər
Mayın 2-də Ombudsman Aparatının nümayəndələri 1 saylı Bakı İstintaq Təcridxanasında həbsdə olan araşdırmaçı jurnalist Hafiz Babalı ilə görüşüblər.
Onun yaxınları Turan-a bildiriblər ki, Babalı həbsinin siyasi sifariş olduğunu və jurnalist fəaliyyətini uzun müddət əngəlləmək məqsədi daşıdığını, dekabrın 13-dən demək olar ki, heç bir istintaq hərəkətinin aparılmadığını bildirib.
Jurnalist vurğulayıb ki, Cinayət Məcəlləsinin 32,33 və 34-cü maddələrinin şərhinə dair Konstitusiya Məhkəməsinin qərarının mahiyyətinə görə, ittihamın ziddinə olaraq o, əlbir olan bir qrupun üzvü sayıla bilməz.
Babalı səhhətindəki ciddi problemlərə operativ tibbi müdaxilənin zəruri olduğunu bildirib və bunun müvafiq instansiyaların nəzərinə çatdırılmasını xahiş edib.
Ombudsman Aparatının nümayəndələri Hafiz Babalının dediklərini qeyd ediblər və bu məsələləri araşdıracaqlarını vəd ediblər
*Turan agentliyinin iqtisadi xəbərlər şöbəsinin redaktoru Hafiz Babalı dekabrın 13-də saxlanılıb. Ona qarşı "xarici valyuta qaçaqmalçılığı" ittihamı irəli sürülüb. Məhkəmənin qərarı ilə o, üç ay müddətinə ilkin həbs cəzasına məhkum edilib. Babalı "Abzas Media işi" üzrə cəlb edilib. Hüquq müdafiəçiləri Hafiz Babalını siyasi məhbus kimi tanıyıblar.
-
- Siyasət
- 3 May 2024 13:49
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz