Oktyabrın 10-da Ermənistanın Milli Təhlükəsizlik Xidməti Azərbaycan xüsusi xidmətləri tərəfindən növbəti diversiyanın qarşısını aldığı barədə məlumat yayıb. Mənbənin məlumatına görə, sentyabrın 24-də Özbəkistan vətəndaşı, milliyyətcə tacik olan 1979-cu il təvəllüdlü Zamirjon Otaconov Ermənistan xüsusi xidmətlərinə müraciət edib. O, 20 min dollara Bakıda terror aktı törətməyə hazır olduğunu bildirib. Otaconov bu cəhdini 2012-ci ildə Bakıda inşaatlardan birində işlədiyi zaman işə götürən tərəfindən aldadılması, işinin qarşılığında əmək haqqı verilməkdən imtina edilməsi, bunun onda azərbaycanlılara qarşı nifrət oyandırması ilə əsaslandırıb.
“Lakin Ermənistan MTX əməliyyat-istintaq tədbirləri nəticəsində Otaconovun Azərbaycan xüsusi xidmətlərinin casusu olduğunu və onun əməllərinin müstəsna olaraq diversiya xarakterli olduğunu, son məqsədinin Ermənistanı terror aktına təşviq edərək, beynəlxalq təşkilatlarda ölkəni terrorçu ölkə kimi tanıtmaq olduğunu müəyyən edib”, deyə Ermənistan MTX iddia edib. Sonda Otaconovun Ermənistandan deportasiya olunduğu bildirilib.
Bu gün məlum olub ki, Otaconov Azərbaycanın hüquq-mühafizə orqanlarına müraciət edib. O, Ermənistan tərəfin yaydığı məlumatı təkzib edib və ona mətbuat qarşısında çıxış etmək imkanı yaradılmasını xahiş edib.
Bununla əlaqədar olaraq, noyabrın 7-də saat 12-də Bakıda Otaconovun mətbuat konfransı keçiriləcək. -02D-
Siyasət
-
Aktau təyyarə qəzasından sonra xilasetmə işlərində mühüm rol oynayan qurtarma işçiləri bazar günü Aktau şəhərində keçirilən rəsmi mərasimdə təltif edilib. Bu barədə Qazaxıstan Fövqəladə Hallar Nazirliyi məlumat verib.
-
İCAO qaydalarına uyğun olaraq AZAL-a məxsus təyyarənin qəzaya uğramasının səbəbləri ilə bağlı ilkin hesabat qəzadan 30 gün sonra ictimaiyyətə açıqlanacaq. Tengrinews xəbər verir ki, bu barədə yanvarın 5-də Qazaxıstan Nəqliyyat Nazirliyi məlumat yayıb.
-
Ermənistanın keçmiş prezidenti Levon Ter-Petrosyanın 1993-cü ildə etdiyi çıxışın video görüntüləri yayımlandıqdan sonra Azərbaycan icmasının sərt tənqidinə səbəb olub. Ermənistan dövlətini etnik təmizləmə siyasətinə dəstək verməkdə ittiham edən icma, bu çıxışın Ermənistanın mövcud ərazisi olan Qərbi Azərbaycan İcmasının bəyanatına əsasən, azərbaycanlılara qarşı dərin köklü düşmənçiliyi və siyasətləri vurğuladığını qeyd edib.
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
Rəy yaz