![Parlament seçkiləri legitim deyil - DRH](https://turan.az/resized/media/2020/main/021300024513-750-500-resize.webp)
Parlament seçkiləri legitim deyil - DRH
Bakı/13.02.20/Turan: Azərbaycan Demokratiya və Rifah Hərəkatı (ADR) Azərbaycanda keçirilən 9 fevral növbədənkənar parlament seçkiləri ilə bağlı bəyanat yayıb. ADR hesab edir ki, bu proses ölkədə demokratik təsisatların, o sıradan siyasi partiyaların fəaliyyətinin məhdudlaşdırılıldığı, müstəqil vətəndaş cəmiyyətinin sıradan çıxarıldığı, azad mətbuatın boğulduğu, 100-dən çox siyasi məhbusların həbsdə saxlanıldığı, Seçki Məcəlləsinin təkmil olmadığı, azad və ədalətli seçki mühitinin olmadığı bir şəraitdə keçirilib.
Seçki günü seçki prosesinə qanunsuz müdaxilələr edilib, məşvərətçi səs hüquqlu komissiya üzvləri və müstəqil müşahidəçilər fiziki zorakılığa məruz qalıb, KİV təmsilçilərinə xidməti fəaliyyətinə məhdudiyyətlər yaradılıb, səslərin sayılması və rəsmiləşdirilməsi prosesində aşkarlıq pozulub, seçki başa çatandan sonra namizədlərin təşkil etdiyi etiraz aksiyaları polis tərəfindən zorakılıqla dağıdılıb, bir sözlə, növbədənkənar parlament seçkiləri qeyri-azad rəqabət şəraitində keçirilib.
Bütün deyilənləri nəzərə alaraq, ADR Hərəkatı 9 fevral növbədənkənar parlament seçkilərini legitim saymır.
Bununla yanaşı, ADR Hərəkatı deputatlığa namizədlərin və onların tərəfdarlarının fevralın 11-də MSK-nın qarşısında təşkil etdiyi dinc aksiya iştirakçılarına və jurnalistlərə qarşı zorakılığı pisləyir, onlara zor tətbiq edərək xəsarət yetirən hüquq mühafizə orqanlarının nümayəndələrinin cəzalandırılmasını tələb edir. -06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz