Parlament "xarakiri" etdi (YENİLƏNİB)
Bakı/02.12.19/Turan: Azərbaycan parlamenti prezident İlham Əliyevə Milli Məclisi buraxmaq və növbədənkənar seçkilər təyin etmək xahişi ilə müraciət qəbul edib.
Müraciət layihəsi səs çoxluğu ilə qəbul edilib. -0-
* * *
2019 Dekabr 02 (Bazar ertəsi) 14:08:43
Xüsusi xidmətləri olduğunu iddia edən deputatlar indi özlərini buraxmaq qərarına gəliblər
Bakı/02.12.19/Turan: Bazar ertəsi Milli Məclisin iclası hakim Yeni Azərbaycan Partiyasından olan deputatların parlamentin buraxılması haqqında müraciətinə baxılması ilə başlayıb.
Spiker Oqtay Əsədov deyib ki, Azərbaycan prezidentinin apardığı islahatlar "keyfiyyətcə yeni səviyyəyə qədəm qoyub". Nazirlər Kabinetində, icra hakimiyyəti orqanlarında, məhkəmə sistemində aparılan struktur və kadr dəyişiklikləri sistemli xarakter daşıyır. Bütün bunlar qanunverici orqanda da islahatları şərtləndirib, deyə o bildirib.
Daha sonra hakim partiyanın sədr müavini Siyavuş Novruzov müstəqil deputatlara və digər partiyaların nümayəndələrinə müraciəti dəstəkləmək çağırışı ilə müraciət edib.
"Müxalifət partiyalarından olan" və "müstəqil " deputatlardan heç biri öz fikrini bildirməyib.
Daha sonra parlamentin buraxılması haqqında qərar hazırlanması üçün redaksiya komissiyası yaratmaq qərarı qəbul edilib. Komissiyaya vitse-spiker Bahar Muradova, hüquq siyasəti və dövlət quruculuğu üzrə dövlət komitəsinin rəhbəri Əli Hüseynli, deputat Fəzail İbrahimli, beynəlxalq münasibətlər komitəsinin rəhbəri Səməd Seyidov və deputat Sahibə Qafarova daxil olub. -02D-
-
- Cəmiyyət
- 2 Dekabr 2019 13:46
-
- İqtisadiyyat
- 2 Dekabr 2019 14:13
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz