Parlamentə cərimə qanununun ləğv olunması çağırışı edilib

Müsavat Partiyası Divanının toplantısında partiyadaxili məsələlər və ölkədəki ictimai-siyasi durum müzakirə edilib. 

Toplantıda bu il yanvarın 12-də və 26-da keçirilən etiraz aksiyaları zamanı tətbiq olunan küllü miqdarda cərimələr bir daha müzakirə olunub. Etiraz aksiyalarına çıxan gənclərin və fəalların iqtidarın sifarişlə cərimə olunmaları qanunsuz sayılıb. Parlamentə bu antidemokratik və məntiqsiz qanunu ləğv etmək çağırışı edilib. 

İsmayıllı hadisələrinə görə həbs edilən Müsavat başqanının müavini Tofiq Yaqublunun hüquqlarını müdafiə komitəsi müdafiə yönündə görülən işlərdən, eləcə də vətəndaş cəmiyyətinin bu istiqamətdə təşəbbüslərindən danışıb. Müsavat Partiyası Gənclər Təşkilatının həbsdə olan sədr müavini Nigar Yaqublu ilə bağlı keçirilən məhkəmə prosesi və bu prosesin diqqətdə saxlanıldığı qeyd olunub.

Toplantıda İctimai Palatanın (İP) Xocalı hadisəsinin növbəti ildönümü ilə bağlı fevralın 26-da saat 14:00-da “Ana fəryadı” abidəsini ziyarət edəcəyi, ziyarətin Xətai metrosunun qarşısından başlayacğı bəyan edilib. İP-in Xocalı soyqırımı ilə bağlı anım yürüşünə iqtidarın mənfi cavabına İP-dən Xocalı soyqırımının dünyada tanıdılması sözdə olmamalı, bunun üçün gerçək iş aparılmalıdır”, cavabı verilib.-05D-