![Partiyalar antiböhran proqramlarını açıqladılar](https://turan.az/resized/750/500/resize/media/2016/main/010800142808.jpg)
Partiyalar antiböhran proqramlarını açıqladılar
Müsavat və Ümid partiyaları hökumətə təkliflərdən ibarət antiböhran proqramlarını açıqlayıblar.
Ümid partiyası ölkədə bugünki acınacaqlı durum yaranmasına siyasi səbəblər kimi demokratik institutların sıradan çıxarılmasını, azad sözün, azad mətbuatın, vətəndaş cəmiyyəti institutlarının, vətəndaşların sərbəst toplaşmaq azadlıqlarının əllərindən alınmasını göstərir. Bununla yanaşı, iqtidarın xalqı azad seçkidən kənar saxlaması da siyasi səbəblər sırasında çəkilir.
İqtisadi səbəblər sırasında ölkənin təkvektorlu neftdən asılı olması, yürüdülən iqtisadi siyasətin səmərəsizliyi, qeyri-neft sektorunun inkişaf etdirilməməsi önə çəkilir.
İndiki halda hakimiyyətin siyasi mahiyyətini dəyişmədən ölkəni iqtisadi vasitələrlə xilas etməsi cəhdləri əsassız sayılır. “Siyasəti daim iqtisadiyyat, iqtisadiyyatı isə daim siyasət xilas edib”, deyə “anti-böhran proqramı”nda vurğulanır. Bununla müəlliflər hakimiyyəti geniş formatlı siyasi və iqtisadi islahatlara, Qərblə danışılqar aparmağa, siyasi məhbusları azad etməyə, sifarişli məhkəmə hökmlərinə yenidən baxmağa, vətəndaş cəmiyyəti institutlarının fəaliyytinə şərait yaratmağa çağırırlar.
İdarəçilik baxımından proqramda idarəetmə qurumlarının (nazirliklərin, komitələrin) sayının əhəmiyyətli dərəcədə azaldılması təklif edilir.
Müsavat Partiyası da təqdim etdiyi antiböhran proqramında ölkədə baş verən dərin böhrana səbəb kimi yarıtmaz siyasi və iqtisadi kursu göstərirlər.
İndiki halda iqtisadi sahədə sağlamlaşdırma yaratmaq üçün bəzi idarəetmə qurumlarının birləşdirilməsi, ölkənin idxal-ixrac proseslərinin nəzarətdə saxlanması, neftin dəyəri 30 dollardan aşağı endiyi halda xaricə satılmasının dayandırılması, rezervlərə toplanmasının təmin edilməsi təklif olunur.
Siyasi təkliflər sırasında isə siyasi məhbusların azad olunması, siyasi azadlıqların təmin ediməsi, bütün instansiyalar üzrə azad və ədalətli seçkilər keçirilməsi təklifi irəli sürülür. - 05C-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz