Parlament bugünkü plenar iclasında gələn il üçün dövlət büdcəsinin layihəsini təsdiqləyib. Turan-ın məlumat verdiyi kimi, büdcə kəsiri ÜDM-in 1,2% səviyyəsində nəzərdə tutulur.
Maliyyə naziri Samir Şərifovun sözlərinə görə, deputatların əvvəlki müzakirələrindən sonra layihəyə dəyişiklik edilib.
Belə ki, vergi xidmətinin hesabına büdcənin gəlir hissəsi 5 mln. manat (19 mlrd.159 mln.), xərclər hissəsi 40 mln. manat (19,85 mlrd.) artacaq. Müvafiq olaraq dövlət büdcəsinin kəsiri 691 mln. manatadək artacaq.
Xərclərə əlavə olunan 40 mln. manatın arasında 3 mln. manat səhiyyə obyektlərinin (o cümlədən xüsusi təyinatlı), 500 min manat siyasi partiyaların, həmçinin əlavə olaraq 726 min manat Milli Məclisin (deputatların təmin olunmasına) maliyyələşdirilməsinə ayrılıb. -17D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz