Nikol Pashinyan
Paşınyan ölən ermənilərin sayını açıqlayıb – 3773 ölü və 243 itkin düşən
Bakı/24.08.21/Turan: İkinci Qarabağ Müharibəsində erməni tərəfindən 3773 nəfər ölüb, 243 hərbi qulluqçu itkin düşüb. Bu barədə avqustun 24-də parlamentdə çıxış edən Ermənistanın baş naziri Nikol Paşınyan deyib.
O bildirib ki, hökumətin 2021-2026-cı illərdə fövqəladə şəraitdə planını təqdim edir: əsirlərin, minlərlə köçkünün olması, sosial-iqtisadi böhran, Ermənistan və Qarabağın artan təhlükəsizlik problemləri və pandemiya.
"Qısamüddətli, ortamüddətli və strateji perspektivdə problemlərin həll yollarını göstərmək lazımdır, çünki Ermənistan taleyüklü və dönüş mərhələsindədir", - deyə o bildirib.
Qeyd edək ki, Ermənistanda qeyri-rəsmi mənbələr ölən erməni əsgərlərinin sayını 5 mindən 7 min nəfərə qədər göstərir. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz