Polis Fəvvarələr Meydanında parlamentin buraxılması tələbilə keçirilən etiraz aksiyasının qarşısını amansızlıqla alıb. Aksiya saat 15:00-a təyin olunub. Aksiya iştirakçılarının ilk qrupu “Azadlıq!”, “İstefa!” şüarlarını səsləndirən zaman polislər güc tətbiq edərək onları saxlamağa başlayıblar.
“Yeni Müsavat” qəzetinin müxbiri İlqar Fəraimoğlunun qabırğalarına zərbələr endirilib. Qeyd edək ki, o, üzərində “Press” yazılan jiletdə olub. Polis digər jurnalistlərin də işləməsinə maneçilik törədərək onları aksiya yerinə buraxmayıb. Bəzi KİV işçiləri zorakılığa məruz qalıb. Bu barədə Turan-ın müxbiri hadisə yerindən məlumat verib.
Müsavat Partiyasının məlumatına görə, 13 nəfər partiya üzvü saxlanılıb. AXCP isə təşkilatın sədr müavini Gözəl Bayramlının saxlndığını bildirib. Polislər onu saxlayarkən əlini burublar və polis bölməsində yanına həkim buraxmırlar.
Bütün bunlar hökumətin ATƏT ilə birlikdə keçirdiyi “ictimai aksiyalar zamanı jurnalistlərin təhlükəsizliyinin təminatı” mövzusunda seminardan bir həftə sonra baş verir.
Polis 20 oktyabr etiraz aksiyasında olduğundan daha sərt və amansız davranıb. -06В-
Siyasət
-
ABŞ Prezidentinin Beynəlxalq İqlim Siyasəti üzrə Baş Məsləhətçisi və ABŞ nümayəndə heyətinin rəhbəri Con Podesta çərşənbə günü Bakıda keçirilən COP29-un plenar iclasında ölkələri iqlim dəyişikliyi ilə mübarizə üçün maliyyə töhfələrini artırmağa çağırdı.
-
Azərbaycan Prezidenti İlham Əliyev, Qazaxıstan Prezidenti Kasım-Jomart Tokayev və Özbəkistan Prezidenti Şavkat Mirziyoyev çərşənbə günü üçtərəfli görüş keçirərək, hökumətləri arasında yaşıl enerjinin inkişafı və ötürülməsi sahəsində strateji tərəfdaşlıq haqqında mühüm bir saziş imzaladılar.
-
Noyabrın 13-də prezident İlham Əliyev COP29 iqlim konfransında çıxışını Fransa və Hollandiyanın kolonial siyasətinin təhlilinə həsr edib.
-
Dövlət və hökumət başçıları COP29 iqlim konfransında iştirak etmək üçün Bakıya gəlməyə davam edirlər.
Rəy yaz