![Polis islamçıların İsrail səfirliyinin önündə aksiyasının qarşısını alıb](https://turan.az/resized/media/2015/main/071000122742-750-500-resize.webp)
Polis islamçıların İsrail səfirliyinin önündə aksiyasının qarşısını alıb
Cümə günü səhər gücləndirilmiş polis dəstələri islamçıların İsrailin Bakıdakı səfirliyinin önündə aksiya keçirməsinin qarşısını alıb.
Bir qrup dindar Qüdsün işğalına etirazını bildirmək üçün səfirliyin önünə gəlib.
Turan-ın müxbirinin hadisə yerindən verdiyi məlumata görə, səfirliyin qarşısı polis tərəfindən mühasirəyə alınıb. Jurnalistlərə çəkiliş etməyə imkan verilməyib. 20- dən çox aksiya iştirakçısı Yasamal rayon 26 və 27-ci polis bölmələrinə aparılıb. Onların arasında Azərbaycan İslam Partiyasının (AİP) sədr əvəzi Elçin Manafov, sədrin müavinləri Akif Heydərli və Vüqar İbayev də var.
Sıra jurnalistlərə də çatıb. Polis onlarla kobud davranaraq aksiyanın keçirildiyi yerdən qovub.
Qüds Günü ənənəvi olaraq islamçılar tərəfindən qeyd olunur. Bütün dünyada islamçılar işğalçılardan Qüdsün azad olunmasını tələb edirlər. Bu təşəbbüs İranın dini lideri İmam Xomeyniyə məxsusdur.16/03В-
-
- Cəmiyyət
- 10 İyul 2015 12:44
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz