![Polis jurnalistlərin hüquqlarını kobud şəkildə pozmağa davam edir](https://turan.az/resized/750/500/resize/media/2013/main/011400024532.jpg)
Polis jurnalistlərin hüquqlarını kobud şəkildə pozmağa davam edir
Artıq üzərində “Press” yazılan xüsusi fərqləndirici jiletlər də jurnalistləri polis zorakılığından xilas etmir. Bu barədə bu gün Reportyorların Azadlıq və Təhlükəsizlik İnstitutunda (RATİ) keçirilən mətbuat konfransında Emin Hüseynov bildirib.
Bu, Bakıda əsgər ölümünə qarşı şənbə günü keçirilən aksiyada təsdiqini tapıb. Toplaşanlara polislərin kobud rəftarının videoyazısı nümayiş etidirilib. “Peşə fəaliyyətimə mane olan polislərin cəzalandırılmasını, onlara qarşı cinayət işi açılmasını, tibbi ekspertizadan keçirilməyimi, mənə dəyən maddi və mənəvi ziyanın ödənilməsini tələb edəcəyəm”, deyə Hüseynov bildirib.
RATİ jurnalistlərə və hüquq müdafiəçilərinə qarşı bütün zorakılıq faktlarının araşdırılmasına çalışacaq. Hüseynov aksiyalar zamanı jurnalistlərin müdafiəsi üçün jiletlərlə yanaşı, beyin silkələnməsindən qorunmaq üçün onlara kaska paylanmasını təklif edir.
Media Hüquqları İnstitutunun direktoru Rəşid Hacılı həmçinin jurnalistlərin döyülməsi faktı üzrə cinayət işi açılması zərurətini qeyd edib.
Hüquqşünas Ələsgər Məmmədli xatırladıb ki, CM-in 163-cü maddəsində jurnalistin peşə fəaliyyətinə mane olmağa görə cinayət məsuliyyəti nəzərdə tutulur.
O hesab edir ki, polisin əməlləri qərəzli olub. Hüquqşünas xatırladıb ki, cəmi 2 ay əvvəl hakimiyyət ATƏT-lə birlikdə seminar keçirib və aksiyalar zamanı jurnalistlərin təhlükəsizliyinin təmin ediləcəyinə söz verib.
Qeyd edək ki, yanvarın 12-də bir çox digər KİV işçilərinə qarşı da analoji kobudluq və zorakılıq faktları qeydə alınıb. -16C06-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz