Müxalifətin mitinqi başa çatdıqdan sonra metronun "İnşaatçılar" stansiyasının yaxınlığında polis və aksiyanın gənc iştirakçıları arasında qalmaqal baş verib.
Polis əməkdaşları gənclərdən "İlham, rədd ol!" şüarı səsləndirməyə son qoymağı tələb ediblər. Polis əməkdaşlarının bəziləri gəncləri kobud şəkildə təhqir etməyə başlayıblar, gənclər də eyni şəkildə cavab verib. Bundan sonra dava düşüb.
Hadisə yerinə özünü çatdıran əlavə polis qüvvələri gəncləri saxlamağa başlayıblar. Digər iştirakçılar saxlanılanları onların əlindən almağa çalışıb. Lakin təxminən 10 nəfər saxlanılıb. Polis gənclərə qarşı amansız davranıb. Bir gəncin başı yarılıb.
Dava Şərifzadə küçəsində yolun hərəkət hissəsində vaş verib. ATS tərəfdən nəqliyyatın bu küçədə hərəkəti 30 dəqiqəyə yaxın dayandırılıb.
Bakı şəhər polis rəisinin müavini Səhləb Bağırov Turan-ın hadisə yerindəki müxbirinin saxlanılanların sayı haqqında sualına cavabda məlumatı olmadığını bildirib.
Maraqlıdır ki, saat 18.00 radələrində polis ictimai asayişin kobud pozuntularının qeydə alınmadığı haqqında məlumatlar yayıb.
Qeyri-rəsmi məlumatlara görə, saxlanılanların hamısı sonradan buraxılib. -0-
Siyasət
-
Azərbaycanla Avropa İttifaqı arasında icazəsiz yaşayan şəxslərin readmissiyası haqqında saziş çərçivəsində noyabrın 26-da Almaniyadan 37 Azərbaycan vətəndaşı geri qaytarılıb.
-
Bakı-Qazax avtomagistralının Tovuzdan keçən hissəsində qəza qeydə alınıb. Avtomobillərin toqquşması nətisində altı nəfər aldığı xəsarətdən dünyasını dəyişib.
-
Rəsmi Bakı Polşa prezidenti Ancey Dudanın Ermənistana rəsmi səfəri zamanı Azərbaycanla sərhədə getməsini pisləyib.
-
Times of India nəşrinin məlumatına görə, Pinaka raket sistemlərinin ilk partiyası Ermənistana göndərilib.
Rəy yaz