• contact.az Contact
  • Bakı
  • Light rain shower14.10 C
  • Şənbə, 9 Noyabr 2024
    • flag_EN
    • flag_RU

Son yenilənmə

(4 saat əvvəl)
Müxalifətin mitinqi bu rejimə "Yox" dedi
A- A A+
EN RU
Turan İnformasiya Agentliyi
Turan İnformasiya Agentliyi

Müxalifətin mitinqi bu rejimə "Yox" dedi

Şənbə günü saat 16.30-da Yasamal rayonunda "Məhsul" idman kompleksində Milli Şura tərəfdarlarının çoxminlik mitinqi başlayıb. Aksiya iştirakçıları 9 oktyabr prezident seçkilərinin elan edilmiş nəticələrinin ləğvini tələb edirlər. 

 
Toplaşanlar əllərində "Diktaturaya və diktatora yox!", "38-ci ili istəmirik!", "İlham, davay, do svidaniya", "Siyasi məhbuslar azad edilsin", "Bizim prezidentimiz - Cəmil Həsənli", "Rədd olsun bu rejim və bu sülalə!" şüarları yazılan plakatlar tutublar.
 
Mitinqə minlərlə insan toplaşıb, aksiya müxalifət partiyaları liderlərinin çıxışı ilə başlayıb.
 
AXCP sədri Əli Kərimli deyib ki, oktyabrın 9-da hakim rejim növbəti dəfə seçicilərin səslərini oğurlayıb. Xalq Cəmil Həsənliyə səs verib və o səslərin əksəriyyətini qazanıb.
 
Buna görə bu hakimiyyətin qanunsuz hərəkətlərinə qarşı mübarizə bitməyəcək və ölkənin taleyi onun xalqının əllərindədir.
 
Müsavat lideri İsa Qəmbəd bildirib ki, 2003-cü ildə İlham Əliyev qələbəni ondan oğurlayıb, bu gün isə Cəmil Həsənlidən. Bu illər ərzində o, nəyə nail olub? Milyardlarla vəsait və öz xalqının, habelə demokratik dünya ictimaiyyətinin nifrətini qazanıb.
 
İlham Əliyevin legitimliyi qəbul edilməyəcək və onun üçün ən yaxşı çıxış yolu könüllü olaraq getməkdir, çünki cəmiyyət onu qəbul etməyəcək.
 
Klassik Xalq Cəbhəsi Partiyasının lideri Mirmahmud Mirəlioğlu qeyd edib ki, Həsənlinin qələbəsi şübhə doğurmur və çoxsaylı müstəqil müşahidəçilər, habelə ATƏT missiyası bunu qeydə alıb. Məhz buna görə hakimiyyət bu missiyaya qəzəblənib, deyə o qeyd edib.
 
EL hərəkatının lideri Eldar Namazov bildirib ki, müxalifət öz mübarizəsini dayandırmayacaq və mənəvi qələbənin siyasi qələbəyə çevrilməsinə nail olacaq. Biz ədalətli iş uğrunda mübarizə aparırıq, hakimiyyət isə bundan sonra da öz xalqını soymaq və talan etmək, bu əxlaqsızlığı, korrupsiya və qanunsuzluğu qoruyub saxlamaq uğrunda. Biz bununla barışmayacağıq. 
 
Müxalifətin vahid namizədi Cəmil Həsənli deyib ki, 9 oktyabrdan sonra Azərbaycan dəyişib, rejim hakimiyyəti qəsb etsə də, bu, artıq başqa bir cəmiyyətdir.
 
Əslində səsvermədə seçicilərin təxminən 20%-i iştirak edib, müxalifətin namizədinə isə səsvermədə iştirak edənlərin 65-70%-i səs verib. ATƏT DTİHB müşahidəçiləri də bunu təsdiq ediblər.
 
Müxalifətin əlində 2500 məntəqədən kütləvi saxtalaşdırma faktlarını təsdiq edən məlumatlar var və bu dövlət cinayətinə görə təqsirli olanlar gec-tez buna görə cavab verəcəklər.
 
Müxalifət mübarizəni dayandırmır və oktyabrın 14-də Milli Şuranın missiyası Avropa İttifaqı, Avropa Şurası və ABŞ administrasiyası nümayəndələri ilə görüşlər və danışıqlar üçün Brüsselə və Strasburqa, daha sonra isə ABŞ-a yola düşəcək, deyə Həsənli bildirib.
 
Onun sözlərinə görə, AŞPA və Avropa Parlamentindən və Türkiyənin Marmara qrupundan lobbiçilər bu seçkilərdəki fəaliyyətlərinə görə utanmalıdırlar və onların ölkələrinin ictimaiyyəti buna qiymət verməlidir. -06В-

Rəy yaz

Siyasət

Bizi sosial şəbəkələrdə izləyin

Xəbər lenti