![Polis saxlanılan jurnalistləri qazla zəhərləyib](https://turan.az/resized/750/500/resize/media/2013/main/012600026135.jpg)
Polis saxlanılan jurnalistləri qazla zəhərləyib
Şənbə günü Bakıda İsmayıllı sakinlərinə dəstək olaraq keçirilən etiraz aksiyası zamanı 80-ə yaxın adam saxlanılıb. Onların arasında tanınmış jurnalistlər və vətəndaş cəmiyyətinin fəalları, əsasən Hüquqi Maarifləndirmə Cəmiyyətinin rəhbəri İntiqam Əliyev, Naxçıvan Demokratiya və QHT-nin İnkişafı Resurs Mərkəzinin rəhbəri Məlahət Nəsibova, onun həyat yoldaşı hüquq-müdafiəçisi və jurnalist İlqar Nəsibov, araşdırmaçı jurnalistlər Xədicə İsmayılova, Şahvələd Çobanoğlu, blogerlər Emin Milli və Zaur Qurbanlı var. Həmçinin Xalq Cəbhəsi, Müsavat , Vətəndaş Həmrəyliyi partiyalarının NİDA gənclər təşkilatının, “Respublika alternativi” vətəndaş hərəkatının fəalları saxlanılıb.
Polis saxlananlarla amansız rəftar edib. Hətta avtobuslarda belə onlara zorakılıq törədilib. Belə ki, Məlahət və İlqar Nəsibovların, hətta hökumətyönlü KİV jurnalistləri də daxil olmaqla, 30-ya yaxın adamın olduğu avtobusa polislər gözyaşardıcı qaz buraxıblar. Avtobusun pəncərələri qapadılıb və sürücüyə tez sürmək əmr edilib. Lakin zəhərlənmə nəticəsində onun halı pisləşib, yolda bir xarici avtomobili vuraraq qəza törədib.
Sonra onları Xətai rayonu 37-ci polis bölməsinə apararaq 4 saat orada saxlayıblar. Gözyaşardıcı qazın təsirindən saxlananların halı pisləşib və polis şöbəsinə təcili yardım çağırılıb.
Saxlananlar Nəsimi, Xətai və Səbayel rayonuna aparılıb. Şifahi xəbərdarlıq olunduqdan sonra buraxılıblar. Lakin ən tanınmış fəallara qarşı sərt cəza tədbirləri həyata keçirilib. Belə ki, AXCP sədrinin müavini aksiyanın təşkilində ittiham olunaraq 2000 manat cərimələnib. Jurnalist Xədicə İsmayılova 400 manat cərimələnib. Bloger Emin Milli 15 sutka həbs cəzası alıb.—06B--
-
- Foto sessiyalar
- 26 Yanvar 2013 19:07
-
- Siyasət
- 27 Yanvar 2013 10:37
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz