İsa Qəmbərin Lənkəran səfəri yenə baş tutmayıb
Göytəpə qəsəbəsi yaxınlığında İsa Qəmbərin kortejinin dayanması nəticəsində 1 km.-lik tıxac yaranıb. Yol polisi kortejin qarşısında yolu şlaqbaumla bağlayıb. Qeyd edək ki, İ.Qəmbərin maşınını buraxıblar, qalan avtomobilləri saxlayıblar. Yol polisi bunu “dəstə ilə getməyin pozuntu olması” ilə izah edib.
Bəzi maşınlar düzənliklə getməyə cəhd göstərib, lakin orada da polis yolu kəsib. İ.Qəmbəri müşayiət edənlər avtomobildən çıxaraq “Azadlıq!” şüarını səsləndiriblər yol polisinin hərəkətindən narazılıqlarını bildiriblər. Müsavat Partiyası aparatının rəhbəri Arif Hacılı polisin hərəkətini təxribat adlandırıb. Onun fikrincə, “polis əməkdaşlarının kortejin yolunu bağlaması hakimiyyət tərəfindən Müsavat Partiyasına qarşı təxribatın təşkilinə sübutdur”. “Hakimiyyət müxalifətin xalq ilə görüşünə imkan vermir”, - o vurğulayıb.
Bir saat ərzində yol polisi ilə danışıqlar aparılsa da nəticəsi olmayıb. Digər avtomobillər üçün yolu bağlamamaq və vətəndaşları narahat etməmək üçün Bakıya qayıtmaq qərara alınıb. Bütün dəstə geri qayıdıb. Kortejin ardınca yol polisinin avtomobilləri gəlib.
Saat 15.00-da İ.Qəmbərin korteji Cəlilabad rayonunun Göytəpə qəsəbəsində saxlanılıb. Onları Lənkəran tərəfə buraxmayıblar. Eyni zamanda Lənkəranda polis Bakıda gələn nümayəndələri qarşılamaq üçün Müsavat Partiyasının üzvlərini saxlayıb.
İ.Qəmbər partiya fəallarının, demokratik ictimaiyyətin nümayəndələrinin, jurnalistlərin müşayiəti ilə saat 10:30-da Müsavat Partiyasının qərargahından Lənkərana yola düşüb.
Yola düşməzdən əvvəl o bildirib ki, Lənkəran Azərbaycan torpağıdır və heç kim onun sərbəst hərəkətini məhdudlaşdıra bilməz.
Səfərdə məqsəd partiyanın regional təşkilatının yubiley tədbirində iştirak etmək olub.
İ ki həftə əvvəl Lənkəranın girişində hakimiyyət tərəfindən öyrədilmiş adamlar İ.Qəmbərin kortejinə hücum ediblər.–06D--
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz