Bakıda İsmayıllı sakinlərinə dəstək olaraq keçirilən aksiyanın üç iştirakçısı 13-15 sutka müddətinə həbs cəzası alıb. İcazəsiz aksiyada iştiraka görə bloger Emin Milli 15 sutka, AXCP gəncləri Əbülfəz Qurbanlı, Türkel Azərtürk 13 sutka həbs cəzası alıb. 15 nəfər isə inzibati cəriməyə məruz qalıb.
AXCP sədrinin müavini Gözəl Bayramlı və partiya fəalı Kəmalə Bənənyarlı 2000 manat (2500 dollara yaxın) cərimələnib. NİDA gənclər hərəkatının fəalı Turqut Qəmbər 2500 manat (3200 dollara yaxın) cərimə olunub. Onların hər üçü aksiyanın təşkilatçıları kimi tanınıb.
12 nəfər 300 manatdan 600 manatadək cərimə olunub. Saxlanılan 60 nəfərə yaxın şəxs şəhərin kənarına aparılaraq orada buraxılıb, ya da 4-5 saat polis bölmələrində saxlanılıb.
Human Rights House hüquq-müdafiə təşkilatı paytaxtda etiraz aksiyasının iştirakçılarının həbsini pisləyib və AŞPA, ATƏT, Avropa Şurası komissarlığının, birləşmə və toplaşma azadlığı məsələləri üzrə məruzəçilərin reaksiyasını gözləyir. —06V--
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz