Bakı/20.12.22/Turan: Qubadlı rayonunun keçmiş sakini, oktyabrın 2-də Polşada saxlanılan Elxan Nuriyev bu gün azadlığa buraxılıb. Bu barədə Turan-a Demokratiya və Rifah Partiyasının rəhbəri Qubad İbadoğlu bildirib.
Onun sözlərinə görə, Polşa məhkəməsi İnterpol tərəfindən axtarışda olan Nuriyevi Azərbaycana verməkdən imtina edib. Məhkəmənin Nuriyevi təhvil verməkdən imtinanı necə əsaslandırdığı hələlik məlum deyil.
O 1993-cü ilin avqustunda ağır cinayətin - ermənilərin hücumu zamanı rayonun müdafiəsini təşkil etməyən Qubadlı rayon prokurorunun, hakiminin və hüquq-mühafizə orqanlarının digər əməkdaşlarının qətlinin təşkilatçısı olmaqda ittiham olunur.
Qətl Nuriyevin üzvü olduğu “Qaranquş” özünümüdafiə dəstəsi tərəfindən törədilib.
Məhkəmə zamanı dəstənin digər üzvləri bildiriblər ki, rayon rəhbərliyini məhz qorxaqlığa və öz vəzifələrini yerinə yetirmədiklərinə görə cəzalandırıblar. Bu, da rayonun erməni qoşunları tərəfindən işğalına səbəb olub.
1993-cü ilin payızında Elxan Nuriyev Ukraynaya mühacirət edib və sonradan orada bu ölkənin vətəndaşlığını alıb. 21B06
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz