Prezident İlham Əliyev: �Azərbaycan 11 Aİ ölkəsi ilə strateji tərəfdaşlıq haqda saziş imzalayıb�

Bakı/17.07.17/Turan: Prezident İlham Əliyev əmindir ki, onun Riqaya səfəri və imzalanan sazişlər Azərbaycan-Latviya əlaqələrinin inkişafına müsbət təsir göstərəcək. Bu barədə İ.Əliyev Riqada latviyalı həmkarı ilə birgə keçirdiyi mətbuat konfransında bildirib.

O, strateji tərəfdaşlıq haqqında bəyannamənin imzalanmasını xüsusilə qeyd edib.

"Biz bu gün regional problemlərə də toxunduq, təhlükəsizlik məsələlərini müzakirə etdik. Biz strateji tərəfdaşlar kimi bütün məsələləri çox açıq şəkildə və səmimi olaraq müzakirə etdik", -İ.Əliyev vurğulayıb.

O, ticarət-iqtisadi əlaqələrin, turizm sahəsində əməkdaşlığın inkişafı üçün yaxşı şəraitin olduğunu bildirib.

Bakı və Riqa arasında aviareyslərin artırılması barədə göstəriş verilib.

Azərbaycan və Avropa İttifaqı arasında əlaqələrə toxunan İ.Əliyev tərəfdaşlıq haqqında yeni sazişin hazırlandığını xatırladıb.

Onun fikrincə, Bakı və Riqa arasında strateji tərəfdaşlıq haqqında bəyannamə Azərbaycan və Aİ arasında gələcək saziş üçün zəmin yaradacaq.

Azərbaycan 11 Aİ ölkəsi ilə strateji tərəfdaşlıq haqqında saziş imzalayıb.

Azərbaycan "Cənub" qaz dəhlizi vasitəsilə Avropanın qaz təchizatında yeni mənbədir.

O deyib ki, Latviya Azərbaycanın NATO ilə əlaqələrini və uğurlu inkişafını dəstəkləyir. 06D--