![Prezident İlham Əliyev.](https://turan.az/resized/media/2021/main/091400038281-750-500-resize.webp)
Prezident İlham Əliyev.
Prezident İlham Əliyev bir daha məmurlara məsuliyyət barədə xəbərdarlıq edib
Bakı/14.09.21/Turan: Məmurlar bilməli və xatırlamalıdırlar ki, qanun pozuntusuna görə cəza labüddür. Bu barədə çərşənbə axşamı prezident İlham əliyev Cəlilabad və Şəmkir rayonlarının yeni təyin olunmuş icra başçılarına müraciətlə bildirib.
“Son illər ərzində bir çox yüksək vəzifəli məmurlar, yerli və mərkəzi icra orqanlarının rəhbərləri, eyni zamanda, sabiq rəhbərlər (rayonlar), nazirlər, icra başçıları cinayət məsuliyyətinə cəlb ediliblər. Hər kəs bilməlidir ki, heç kim məsuliyyətdən canını, yaxasını qurtara bilməz. Əgər məmurlar öz işində yenə də bu çirkin əməllərdən əl çəkməsələr, onların da aqibəti eyni olacaq”, - Əliyev qeyd edib.
O vurğulayıb ki, məmurlar qanun çərçivəsində işləməli, göstərilən yüksək etimadı doğrultmalıdırlar.
“Siz elə işləməlisiniz ki, vətəndaşlar sizdən razı olsunlar. Ancaq indi istintaq materiallarının bir çoxunda göstərilir ki, bir neçə rayonun icra başçısı hətta sosial cəhətdən ən həssas təbəqənin nümayəndələrindən də pul, rüşvət alıblar", - Əliyev bildirib.
“Dəstəyə, sosial müdafiəyə ehtiyacı olan ailələrə Heydər Əliyev Fondu tərəfindən göndərilən humanitar yardımın da dalına keçirlər”, - dövlət başçısı deyib. 06D-
-
- Cəmiyyət
- 14 Sentyabr 2021 15:21
-
- İqtisadiyyat
- 14 Sentyabr 2021 16:23
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz