Tbilisi/12.10.15/Turan-BSPRESS: Prezident İlham Əliyev başda olmaqla hökumət nümayəndə heyəti noyabrın 6-da Gürcüstana səfər edəcək. Məlumatı Gürcüstan hökumətinin mətbuat xidməti yayıb.
Səfər barədə razılıq Gürcüstanın baş naziri İrakli Qaribaşvilinin oktyabrın 10-da Bakıya işgüzar səfəri zamanı əldə olunub.
Üç saat davam edən görüş zamanı İ.Əliyev və İ.Qaribaşvili regional təhlükəsizlik məsələlərini müzakirə ediblər. Energetika, nəqliyyat və infranstruktur sahəsində əməkdaşlığın vacibliyi qeyd olunub.
Hətta Rusiyadan qaz kəmərilə tranzit artarsa belə, Azərbaycan Gürcüstana əsas təbii qaz ixracatçısı olaraq qalır, Gürcüstanın baş nazirinin xüsusi nümayəndəsi Zurab Abaşidze bildirib.
Gürcüstan 2007-ci ildən Rusiya qazını almır. Azərbaycan əsas qaz ixracatçısıdır. Lakin Gürcüstan Ermənistan istiqamətində Rusiya qazının ümumi tranzit həcminin 10%-ni alır.
“Biz uzun müddətdir ki, Rusiyadan qaz alırıq. Bu, Ermənistan istiqamətində Rusiyadan aldığımız qazdır. Əgər tranzitin həcmi artarsa biz çox qaz alacağıq və mən bunda pis heç nə görmürəm. Azərbayca bu planda bizim strateji tərəfdaşımız olaraq qalır”, - Z.Abaşidze oktyabrın 9-da bildirib.
Rusiya qazı ilə bağlı ajiotaj Gürcüstanın energetika naziri Kaxa Kaladzenin Rusiya qazının tranzitinin artırılması barədə “Qazprom” rəhbəri Aleksey Miller ilə razılığa gəlməsindən sonra yaranıb. Onun sözlərinə görə, Gürcüstana əsas qaz ixracatçısı Azərbaycandır, lakin hakimiyyət enerji mənbələrinin diversifikasiyası barədə düşünür. Bununla əlaqədar İranla fəal iş aparılır.-02D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz