Prezident İlham Əliyev İqtisadi Əməkdaşlıq Təşkilatının sammitində iştirak etmək üçün Daşkəndə gedib

Bakı/09.11.23/Turan:  Noyabrın 9-da Özbəkistanın paytaxtında İqtisadi Əməkdaşlıq Təşkilatının sammiti açılıb. Azərbaycan prezidenti İlham Əliyev bu forumda iştirak etmək üçün ötən gün axşam Özbəkistana gedib.

Forumun proqramına əsasən, İqtisadi Əməkdaşlıq Təşkilatı ölkələrinin dövlət başçıları ticarət-iqtisadi, nəqliyyat, investisiya və humanitar əməkdaşlığın genişləndirilməsi məsələlərini nəzərdən keçirəcəklər.

Onlar həmçinin konkret problemləri müzakirə etmək üçün ikitərəfli görüşlər keçirəcəklər.

* İqtisadi Əməkdaşlıq Təşkilatı 1985-ci ildə Mərkəzi Asiya və Yaxın Şərq ölkələri tərəfindən yaradılmış regional dövlətlərarası iqtisadi təşkilatdır, 1977-ci ildə İran, Pakistan və Türkiyə tərəfindən təsis edilmiş Regional Əməkdaşlıq və İnkişaf Təşkilatının varisidir.  

1992-ci ilin əvvəlinə qədər İqtisadi əməkdaşlıq Təşkilatı çərçivəsində əməkdaşlıq əsasən ikitərəfli xarakter daşıyırdı. 1992 -ci ildən təşkilatın fəaliyyəti 7 yeni dövlətin- Qazaxıstan, Azərbaycan, Əfqanıstan, Qırğızıstan, Tacikistan, Türkmənistan və Özbəkistanın könüllü qoşulması ilə əhəmiyyətli dərəcədə fəallaşıb.

İqtisadi Əməkdaşlıq Təşkilatı ölkələri arasındakı münasibətlərdə iqtisadi komponentlər üstünlük təşkil edir və siyasi istiqamət daha az ifadə olunub. 02D