Prezident İlham Əliyev Qəzzada müharibənin tezliklə dayandırılmasına tərəfdardır
Azərbaycan paytaxtı Şərqi Qüds olmaqla müstəqil Fələstin dövlətinin yaradılmasına tərəfdardır. Bu barədə bu gün prezident İlham Əliyev bildirib.
“Azərbaycanın mövqeyi birmənalıdır - müstəqil Fələstin dövləti qurulmalıdır, Şərqi Qüds onun paytaxtı olmalıdır. Bu gün Qəzzada yaşanan faciə tezliklə dayandırılmalıdır, müharibə dayandırılmalıdır və bütün məsələlər danışıqlar yolu ilə həll olunmalıdır”, - Əliyev bu gün Qahirədə Misir prezidenti Əbdülfəttah əs-Sisi ilə danışıqların başa çatmasıyla əlaqədar mətbuata açıqlamasında bildirib.
Əliyevin sözlərinə görə, Azərbaycan bu istiqamətdə səyləri dəstəkləyir və Qahirənin təşəbbüsləri diqqətə alınmalıdır.
Öz növbəsində əs-Sisi bildirib ki, iki ölkə liderləri “Qəzzada fələstinlilər üçün humanitar yardımların həcminin artırılması istiqamətində Misirin səylərini müzakirə ediblər və 1967-ci il iyunun 4-dən əvvəlki sərhədlər çərçivəsində müstəqil Fələstin dövlətinin yaradılmasının zəruriliyini vurğulayıblar”.
Siyasət
-
Ukrayna Prezidenti Volodimir Zelenski Qazaxıstanın Aktau şəhəri yaxınlığında Azərbaycan Hava Yollarına (AZAL) məxsus Embraer 190 təyyarəsinin qəzaya uğramasından sonra Rusiyaya təzyiqin artırılmasına çağırıb. Zelenski bu fikri 22 yanvarda Davosda keçirilən Dünya İqtisadi Forumunda Azərbaycan Prezidenti İlham Əliyevlə görüş zamanı səsləndirib.
-
Azərbaycanın xarici işlər naziri Ceyhun Bayramov, Türkiyənin Bolu vilayətinin Kartalkaya dağ-xizək kurortunda mehmanxanada baş vermiş faciəvi yanğından sonra, bazar ertəsi Türkiyənin xarici işlər naziri Hakan Fidana başsağlığı verib.
-
Yanvarın 22-də Səbail Rayon Məhkəməsində “dövlətə xəyanətdə” təqsirləndirilən gənc tədqiqatçı Bəhruz Səmədovun ev dustaqlığına buraxılması ilə bağlı vəsatətə baxılıb.
-
Yanvarın 22-də vəkil Zibeydə Sadıqova 1 saylı Bakı İstintaq Təcridxanasında jurnalist Fərid İsmayılova baş çəkib. İsmayılov yanvarın 17-də “Toplum” TV-nin işi üzrə həbs edilib. O, istintaqa hələ 2024-cü ilin martında cəlb edilib. O zaman polis nəzarətinə verilmişdi.
Rəy yaz