Azərbaycan və Misir sənədləri imzalanıb
Bu gün Qahirədə Azərbaycan və Misir prezidentləri İlham Əliyevlə Abdülfəttah əs-Sisi arasında danışıqlar ikitərəfli sazişlər paketinin imzalanması ilə başa çatıb.
Əsasən Gənclər və İdman, Energetika, İqtisadiyyat və Nəqliyyat nazirlikləri arasında qarşılıqlı anlaşma memorandumları imzalanıb.
Bundan əlavə, Bakı Şəhər İcra Hakimiyyəti və Qahirə Qubernatorluğu arasında dostluq və əməkdaşlıq haqqında anlaşma memorandumu imzalanıb.
Azərbaycan Respublikası İxracın və İnvestisiyaların Təşviqi Agentliyi (AZPROMO) və Misir Ərəb Respublikası Sərmayə və Azad Zonalar üzrə Baş Qurum (GAFI) arasında 2024-2025-ci illər üzrə birgə fəaliyyət planı imzalanıb.
Həmçinin Azərbaycan Respublikası İqtisadiyyat Nazirliyi və Misir Ərəb Respublikası Neft və Mineral Ehtiyatlar Nazirliyi arasında əməkdaşlıq haqqında niyyət protokolu imzalanıb.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz