Prezident İlham Əliyev: «Roma Papasının Azərbaycana səfəi sivilizasiyalararası dialoq üçün önəmlidir»

Prezident İlham Əliyev Azərbaycana səfərə gələn Roma Papası Fransiski qəbul edib.

Danışıqlardan öncə dövlət başçısının “Gənclik” iqamətgahında Roma Papasını təntənəli qarşılanma mərasimi keçirilib.

“Sizin Azərbaycana səfəriniz Azərbaycan-Vatikan münasibətləri, o cümlədən sivilizasiyalararası dialoq üçün mühüm əhəmiyyət daşıyır”, - İ.Əliyev Roma Papası ilə görüş zamanı deyib.

O, Papanın Azərbaycana səfərini “tarixi” adlandırıb.

“Sizin səfəriniz tarixi səfərdir. Mənim dəvətimi qəbul edib Azərbaycana gəldiyiniz üçün mən sizə təşəkkür edirəm”, - İ.Əliyev vurğulayıb.

O həmçinin qeyd edib ki, “Azərbaycanda bütün dinlərin nümayəndələri bir ailə kimi dostluq şəraitində yaşayır”.

Roma Papası səfərə gəldiyində Müqəddəs Məryəm Kilsəsində messa keçirib. O, insanları sülhə, məhəbbətə və ədalətə çağırıb.

Messa başlamadan öncə pontifik Bakı Katolik Kilsəsində bir sıra dini ayin keçirib.

Öz növbəsində Azərbaycan Katolik Kilsəsinin ordinarisi Vladimir Fekete Roma Papasından xahiş edib ki, Qafqazda barışıq naminə dua etməyə davam etsin.

Pontifikə üzərində Bakı Katolik Kilsəsinin təsviri olan xalça hədiyyə olunub.—06D--