Prezident İlham Əliyev «Şimal-Cənub» nəqliyyat dəhlizinin tezliklə reallaşacağına ümid edir

 Azərbaycan prezidenti İlham Əliyev ümid edir ki, “Şimal-Cənub” beynəlxalq nəqliyyat dəhlizi yaxın vaxtlarda reallaşdırılacaq.

RİA-Novosti-nin məlumatına görə, bu barədə Azərbaycan prezidenti avqustun 8-də Azərbaycan, İran və Rusiya prezidentlərinin Bakı görüşündə bildirib.

“Hazırda Rusiya və Azərbaycan arasında dəmir yolu əlaqəsi var. Bu il biz Azərbaycanın öz dəmir yolunu İran sərhəddinə qədər uzatmasını qərara almışıq. Ümid edirəm ki, yaxın aylarda buna nail olacağıq”, - İ.liyev vurğulayıb.

O xatırladaq ki, bu yaxınlarda Azərbaycan-İran sərhəddində Astara çayı üzərində dəmir yolu körpüsünün təməlqoyma mərasimi keçirilib.

“Bu infrastruktur layihələri “Şimal-Cənub” nəqliyyat dəhlizinin ayrılmaz hissəsidir. “Şimal-Cənub” nəqliyyat dəhlizi transmilli strateji əhəmiyyətli layihədir, gələcəkdə bu dəhlizdən çoxları istifadə edəcək. Bu dəhliz böyük iqtisadi effektivliyə malikdir. Ümid edirəm ki, tezliklə birgə səylərlə bu layihənin reallaşmasına nail olacağıq”, - İ.Əliyev vurğulayıb.

Onun sözlərinə görə, “Şimal-Cənub” layihəsi tranzit yüklərin daşınması baxımından çox sərfəlidir.—06D--