Açiq mənbələrdən foto.
Bakı/31.05.23/Turan: Bu gün Azərbaycan prezidenti İlham Əliyev ABŞ dövlət katibinin enerji resursları üzrə köməkçisi Cefri Payatı qəbul edib.
Dövlət başçısının saytı bildirib ki, Payat Bakıda enerji həftəsinin keçirilməsinin əhəmiyyətini qeyd edib. O, Avropanın enerji təhlükəsizliyinin təmin edilməsində Azərbaycanın aparıcı rolunu yüksək qiymətləndirib.
Öz növbəsində Əliyev enerji sahəsində Azərbaycanın təşəbbüslərini daim dəstəklədiyinə görə ABŞ hökumətinə minnətdarlığını bildirib.
Uzun illərdir ki, Azərbaycan enerji sektorunda ABŞ ilə fəal əməkdaşlıq edir və genişmiqyaslı birgə layihələri uğurla həyata keçirir. Bununla əlaqədar Əliyev ABŞ hökumətinin TAP qaz kəməri layihəsinə göstərdiyi dəstəyi xüsusi vurğulayıb.
Görüş zamanı Bakının bərpa olunan enerji sahəsində həyata keçirdiyi yeni layihələr barədə fikir mübadiləsi aparılıb.
Həmçinin Orta dəhliz çərçivəsində Azərbaycanın enerji və qeyri-enerji məhsulları üçün dayanıqlı tranzit-nəqliyyat imkanları yaratması mövzusuna da toxunulub. 06B
Siyasət
-
Yanvarın 6-da Fransa prezidenti Emmanuel Makron səfirlərin konfransında çıxış edərək, Rusiyanın Ermənistanla «müttəfiqlik münasibətlərini dəyişdiyini» və «Dağlıq Qarabağda Azərbaycanı dəstəklədiyini» bildirib.
-
Bu gün Bakı Ağır Cinayətlər Məhkəməsində ictimai fəal Nicat İbrahimin cinayət işi üzrə məhkəmənin hazırlıq iclası başlayıb.
-
Həbsdə olan hüquq müdafiəçisi Rüfət Səfərovun anası Tahirə Tahirqızı yanvarın 6-da şahid qismində ifadə vermək üçün Bakı Şəhər Baş Polis İdarəsinə istintaqa çağırılıb. Ancaq o, ifadə verməkdən imtina edib. Bu barədə Turan-a Tahirqızı özü bildirib.
-
Yanvarın 29-da keçiriləcək bələdiyyə seçkilərində 16 min 174 namizəd qeydiyyata alınıb. Bu barədə Mərkəzi Seçki Komissiyasının sədri Məzahir Pənahov bugünkü iclasda bildirib.
Rəy yaz