![Prezident İlham Əliyevin ABŞ görüşləri](https://turan.az/resized/media/2016/main/033100151284-750-500-resize.webp)
Prezident İlham Əliyevin ABŞ görüşləri
Prezident İlham Əliyev ABŞ-a işgüzar səfəri çərçivəsində bir sıra görüşlər keçirib. Cümə axşamı o, Vaşinqtonda ABŞ "Export-Import" Bankın rəhbəri Fred Hokberqlə görüşüb.
Dövlət başçısının rəsmi saytında verilən məlumata görə, Azərbaycanla "Export-Import" Bank arasında əlaqələrin genişləndirilməsi barədə fikir mübadiləsi aparılıb.
Həmçinin Azərbaycanda qarşıdakı layihələrdə, o cümlədən enerji, qaz, suvarma, pambıqçılıq sahələrində bankla əməkdaşlıq imkanları müzakirə edilib.
Görüş zamanı Şərq-Qərb nəqliyyat dəhlizi, daşınma və digər sahələrdə də əməkdaşlıq imkanlarına dair fikir mübadiləsi aparılıb.
Cümə axşamı dövlət başçısı İlham Əliyev "Armitage International" şirkətinin rəhbəri Riçard Armitac və Karneqi Fondunun prezidenti Uilyam Bernslə görüşüb.
Görüş zamanı Azərbaycan və ABŞ arasında əməkdaşlığın gələcəkdə genişləndirilməsi və möhkəmləndirilməsi barədə fikir mübadiləsi aparılıb. Qeyd olunub ki, ötən müddətdə Azərbaycan və ABŞ təhlükəsizlik, sülhyaratma və digər sahələrdə yaxşı əməkdaşlıq ediblər.
Söhbət zamanı Dağlıq Qarabağ münaqişəsinin nizamlanmasına dair danışıqların hazırki vəziyyəti müzakirə edilib.
Martın 31-də dövlət başçısı Vaşinqtonda Nyu-Hempşir ştatının qubernatoru, ABŞ-ın keçmiş prezidenti Corc Buş administrasiyasının aparat rəhbəri Con Sununu ilə görüşüb.
Görüşdə Azərbaycan və ABŞ arasında əlaqələrin hazırki durumu və gələcək inkişafı müzakirə edilib.
Həmin gün prezident İlham Əliyev ictimai əlaqələr üzrə Amerika-İsrail Komitəsinin (AIPAC), Avrasiya Yəhudilərinin Dəstəklənməsi Milli Koalisiyasının və Əsas Amerika Yəhudi Təşkilatları prezidentlərinin Konfransının (CPMAJO) rəhbərliyi ilə görüşüb.
ABŞ-da fəaliyyət göstərən yəhudi təşkilatlarının rəhbərləri qeyd ediblər ki, belə görüşlər Azərbaycan və ABŞ arasında əməkdaşlığın inkişafına töhfə verir. Qeyd olunub ki, Azərbaycan-Amerika əlaqələri yüksək səviyyədədir və Avropa təşkilatları bu prosesə öz töhfəsini verir.—06D--
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz