Prezident İlham Əliyevin Albaniyanın baş nazirilə görüşü /YENİLƏNİB/

Bakı/14.04.22/Turan: Azərbaycanla Albaniya arasında ticari-iqtisadi əlaqələrin inkişafı üçün potensial var. Bunu Azərbaycan prezidenti İlham Əliyev Albaniyanın Baş naziri Edi Rama ilə görüşündə deyib.

"Azərbaycan Avropaya təbii qaz ixracatçısına çevrilib və Albaniya bu təşəbbüsü həmişə dəstəkləyib", - Əliyev deyib. Hesab edirəm ki, bu gün Cənub Qaz Dəhlizinin, xüsusilə Trans-Adriatik Boru Kəmərinin əhəmiyyəti daha aydın görünür”, - deyə Azərbaycan Prezidenti daha sonra bildirib.

Onun fikrincə, enerji sahəsində Albaniya ilə daha geniş əməkdaşlıq imkanları var.

“Bura təbii qaz, tranzit, təchizat, elektrik enerjisi daxildir və bu, həqiqətən də ikitərəfli gündəliyimizin mühüm hissəsini təşkil edə bilər. Əminəm ki, bu gün danışıqların mövzusu olan məsələlər yeni inkişafa gətirib çıxaracaq”, - deyə Azərbaycan Prezidenti daha sonra bildirib.

Əliyev qarşılıqlı sərmayə qoyuluşu, turizm və digər sahələrdə kommunikasiyaların inkişafı üçün potensialın olduğunu da vurğulayıb.

Rama öz növbəsində bildirib ki, Albaniya ATƏT-ə sədrliyi dövründə, indi isə BMT Təhlükəsizlik Şurasının qeyri-daimi üzvü kimi Azərbaycanı, onun “tarixi haqlarını” həmişə dəstəkləyir və bundan sonra da dəstəkləyəcək.

“Biz qonşu Ermənistanla sülh və uzunmüddətli əməkdaşlıq istiqamətində son dərəcə nümunəvi səylərinizi alqışlayırıq.

Eyni zamanda, xoşbəxtlikdən Türkiyə kimi dövlətin qarşısında bizim güclü körpüümüz var”, - deyə Rama əlavə edib.

O, Əliyevi Albaniyaya rəsmi səfərə dəvət edib.—06B-

*   *   *

2022 Aprel 14 (Cümə axşamı) 17:48:46

Prezident İlham Əliyevin Albaniyanın baş nazirilə görüşü

Bakı/14.04.22/Turan: Aprelin 14-də prezident İlham Əliyev Bakıda rəsmi səfərdə olan Albaniyanın baş naziri Edi Rama ilə danışıqlar aparıb.

Saat 18:00-dək görüşün təfərrüatları açıqlanmayıb. -02D-