Prezidentin köməkçisi Avropa İttifaqını tənqid edir
Bakı/04.12.17/Turan: Azərbaycan prezidentinin xarici siyasət məsələləri üzrə köməkçisi Novruz Məmmədov Avropa Ittifaqını tənqid edib.
O, bu gün, dekabrın 4-ü özünün facebook səhifəsində ittifaqın separatizmə münasibətini hədəf alıb.
"Avropa İttifaqının ötən illərdə separatizmə münasibəti Avropa ölkələri üçün bumeranqa çevrilməkdədir. Tarixin bir qanunu belədir: Böyüklərin böyük səhvləri özlərinə problemə çevrilir", İlham Əliyevin köməkşisi vurgulayıb.
O, Avropa İttifaqı ilə bərabər əksər nüfuzlu beynəlxalq qurumların, ölkələrin rəhbərlərinin fəaliyyətindən narazılıq ifadı edib.
"Beynəlxalq aləmdə gedən prosesləri izlədikdə, təəssüflər olsun, belə qənaətə, nəticəyə gəlmək olur ki, başda BMT olmaqla beynəlxalq təşkilatlar, ittifaqlar və planetin aparıcı ölkələri, liderlər hadisələrin, proseslərin qarşısını almaq, onları qabaqlamaq əvəzinə onların arxasınca sürünürlər".
N.Məmmədova görə, intellekt və inkişafın indiki səviyyədə olduğunu nəzərə aldığımız zaman, belə vəziyyət müasir beynəlxalq münasibətlərin böyük və təhlükəli problemidir. O, vurgulayıb ki, beynəlxalq birliyin iqlim dəyişikliyi probleminə münasibəti də belə xarakterlidir.
Novruz Məmmədov bu ifadələri Avropa Birliyinin (AB) Cənubi Qafqaz və Gürcüstandakı böhran üzrə yeni təyin edilən xüsusi nümayəndəsi Toivo Klaarın başçılıq etdiyi nümayəndə heyəti ilə görüşdən sonra qələmə alıb.
Toivo Klaarın başçılıq etdiyi nümayəndə heyəti Azərbacanda səfərdədir. Bu gün səhər dövlət başçısı İ.Əliyev həmin nümayəndə heyətini qəbul edib. Görüşdə N.Məmmədov da iştirak edib.
-
- Söz istəyirəm
- 4 Dekabr 2017 15:25
Siyasət
-
Azərbaycanın müdafiə naziri Zakir Həsənov Türkiyə Silahlı Qüvvələrinin Quru Qoşunlarının komandanı Səlcuq Bayraktaroğlunun rəhbərlik etdiyi nümayəndə heyəti ilə görüşüb.
-
Azərbaycan Xalq Cəbhəsi Partiyasının yerli fəalı İmran Qurbanov Naxçıvan Muxtar Respublikasının Şərur rayonunda saxlanılıb. Bu barədə Turan-a Azərbaycan Xalq Cəbhəsi Partiyası Naxçıvan regional sədri Yaşar Bağırsoy bildirib.
-
Mayın 21-də Azərbaycanın xarici işlər naziri Ceyhun Bayramov və İranın xarici işlər naziri vəzifəsini icra edə Əli Bağeri Kani telefonla danışıblar.
-
Mayın 21-də Səbail Rayon Məhkəməsi "Kanal 13" İnternet televiziyasının rəhbəri Əziz Orucovun və bu media strukturunun əməkdaşı Şamo Eminovun ilkin həbs müddətini daha 1 ay uzadıb. Bu barədə Turan-a jurnalistlərin yaxınları bildiriblər.
Rəy yaz