Milli Şuranın prezidentliyə namizədi Cəmil Həsənli jurnalist Mehman Hüseynovun saxlanmasına etiraz bəyantı yayıb.
Prezidentliyə namizəd rəsmi Bakını sözdə azad və ədalətli seçki keçirmək vədi verməkdə, əməldə isə qadağa, təzyiq və həbslərə söykənən repressiya siyasətini davam etdirməkdə ittiham edib. İqtidarı insan haqlarına, demokratik seçki mühiti yaratmaq tələblərinə məhəl qoymamaqda suçlayıb.
Oktyabrın 2-də seçki proseslərini fəal işıqlandıran Reportyorların Azadlığı və Təhlükəsizliyi İnstitutunun (RATİ) əməkdaşı, tanınmış fotojurnalist və bloqer M.Hüseynovun heç bir əsas olmadan Baş Prokurorluq tərəfindən saxlanılması bunun göstəricisi adlandırılır.
Rəsmi açıqlamaya görə, M.Hüseynov hansısa cinayət xarakterli məlumatın araşdırılması məqsədilə dindirilir. Lakin dindirilmədə vəkilinin iştirakına qadağa qoyulub. M.Hüseynovun sosial şəbəkələrdə fəallığına, xüsusən də seçki ilə bağlı hazırladığı video süjetlərə görə iqtidarın qəzəbinə gəldiyinə şübhə olmadığı qeyd edilir. Bu təzyiqlərin qanunsuz olmaqla yanaşı, ölkədə söz azadlığını boğmağa yönəldiyi vurğulanır. Bu fakt həm də iqtidarın növbəti dəfə seçkiləri saxtalaşdırmaq niyyətindən xəbər verməsi kimi dəyərləndirilir.
Son olaraq, C.Həsənli beynəlxalq mükafatlara layiq görülən gənc jurnalist M.Hüseynovun sərbəst buraxılmasını, ona qarşı təzyiqlərin dayandırılmasını tələb edir. -05D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz