Prokuror Rəsul Cəfərovun 9 il müddətinə azadlıqdan məhrum edilməsini istəyib (yenilənib)
Aprelin 9-da hüquq müdafiəçisi Rəsul Cəfərovun işi üzrə məhkəmədə sənədlər tədqiq edilib. Müdafiə tərəfin Cəfərovun vəsaitləri mənimsədiyi və vergi ödənişindən yayındığı barədə rəy vermiş ekspertin məhkəməyə çağırılması haqqında vəsatəti təmin edilməyib.
Öz növbəsində, müdafiə tərəfi mənimsəmə ittihamlarını təkzib edən çoxsaylı maliyyə sənədləri təqdim edib. Bu sənədlər qrantlardan məqsədə uyğun şəkildə istifadəni təsdiq edir.
Daha sonra Cəfərov ifadə verərək, yenidən bütün ittihamları təkzib edib. O bildirib ki, Ədliyyə Nazirliyi onun rəhbərlik etdiyi İnsan Hüquqları Klubunu qeydiyyata almaqdan imtina edib, bununla əlaqədar Avropa İnsan Hüquqları Məhkəməsinə şikayət verilib.
Digər tərəfdən dövlət qeydiyyatı olmayan QHT-lərin fəaliyyəti qanunsuz deyil. QHT-lərə Dövlət Dəstəyi Şurasının rəhbəri Azay Quliyev dəfələrlə bunu bəyan edib. Müdafiə tərəfi Quliyevin çıxışlarının elektron qeydini təqdim edib.
Cəfərovun İnsan Hüquqları Klubu qeydiyyatsız fəaliyyət göstərdiyinə görə o, qrantları fiziki şəxs kimi alırdı. 2014-cü ilin fevralına qədər qanunvericilikdə fiziki şəxslərin aldığı qrantların qeydiyyatı haqqında norma yox idi.
Cəfərov bütün digər ittihamları də təkzib edib. Bundan sonra hakim məhkəmə istintaqının başa çatdığını elan edib.
Bu zaman dövlət ittihamçısı bildirib ki, yekun çıxışa hazırdır.
Hakim fasilə elan edib və prokurorun çıxışını saat 14.00-a təyin edib.
-
- İqtisadiyyat
- 9 Aprel 2015 13:56
-
- İqtisadiyyat
- 9 Aprel 2015 14:44
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz