Putin Bakıda görüşlərə hazırlaşır
RF prezidenti Vladimir Putin iyunun 12-13-də Bakıda səfərdə olacaq, Avropa Oyunlarının açılış mərasimində iştirak edəcək, İlham Əliyev və Türkiyə prezidenti Erdoğanla danışıqlar aparacaq. Bu barədə RF prezidentinin köməkçisi Yuri Uşakov bildirib.
Rusiya lideri Kremldə milli bayrama həsr olunmuş təntənəli tədbirdən dərhal sonra Bakıya yola düşəcək. İyunun 12-də axşam o, saat 21:00-da başlaması nəzərdə tutulan Avropa Oyunlarının açılış mərasimində iştirak edəcək.
Putin və Əliyevin danışıqları iyunun 13-nə nəzərdə tutulub. Tərəflər ticarət-iqtisadi məsələləri və Qarabağ mövzusunu, habelə Həştərxanda keçirilmiş 4-cü Xəzər Sammitinin qərarlarının həyata keçirilməsini müzakirə edəcəklər.
Şənbə günü həmçinin Putinin Erdoğanla ikitərəfli görüşü planlaşdırılıb. Görüşdə prezidentlər Suriyadakı vəziyyəti və energetika sahəsində birgə layihələri müzakirə edəcəklər, deyə RF prezidentinin mətbuat katibi Dmitri Peskov bildirib.
O, bu görüşü əhəmiyyətli adlandırıb. Rusiya və Türkiyə ən müxtəlif sahələrdə çox mühüm tərəfdaş olaraq qalırlar. Buna görə hər dəfə gündəlik çox geniş olur.
“Regionda çox mürəkkəb vəziyyət haqqında fikir mübadiləsi aparmaq lazım gələcək. Bu, Suriyadakı vəziyyət və iki ölkə arasında ticari-iqtisadi əlaqələr, habelə böyük layihələrdə birgə işlə bağlıdır”, deyə mətbuat katibi bildirib.
“Türk axını” qaz kəməri üzrə saziş bağlanması və Ankaranın boru kəmərinin tikintisinə icazə verməsi məsələsi aktual olaraq qalmaqdadır. Lakin son günlər bu layihə təcrid olunub. -02D-
-
- İqtisadiyyat
- 12 İyun 2015 15:54
-
- Cəmiyyət
- 12 İyun 2015 16:37
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz