Putin: “Rusiya bundan sonra da Bakı və Yerevan arasında sülh müqaviləsinə kömək edəcək”

Rusiya Ermənistan-Azərbaycan münasibətlərinin normallaşması və Yerevanla  Bakı arasında sülh müqaviləsinin imzalanması üçün hər şeyi edir. Bu barədə çərşənbə axşamı Rusiya prezidenti Vladimir Putin xarici ölkələrin səfirlərinin öz etimadnamələrini təqdim etməsi mərasimində bildirib.

"Boz Ermənistan və Azərbaycanla əməkdaşlığımız bu ruhda qurulur. Biz Azərbaycan-Ermənistan münasibətlərinin normallaşması, Zaqafqaziyada möhkəm sülhün təminatı üçün hər şeyi etmişik və edirik. Bundan sonra da sülh müqaviləsi, dövlət sərhədinin delimitasiyası və 2020-2022-ci illər yüksək səviyyəli üçtərəfli razılaşmalara uyğun olaraq iqtisadi və nəqliyyat əlaqələrinin açılması üzərində işə kömək edəcəyik", - Putin deyib.

Rusiya prezidenti oktyabrda Kazanda keçirilmiş BRİCS sammitində Ermənistan və Azərbaycan liderlərinin faydalı söhbətinə də diqqəti yönəldib.  "Azərbaycan və Ermənistan liderlərinin Kazanda BRİCS sammiti meydançasından istifadə edərək regionda möhkəm sülhün  və millətlərarası barışın əldə olunmasına dair  prinsipial məsələlər üzrə faydalı söhbət aparmasından məmnunluğumu ifadə etməyə bilmərəm", - o qeyd edib.