Recep Tayyip Erdogan and Vladimir Putin.
Moskva/25.11.20/Turan: Noyabrın 24-də axşam Rusiya və Türkiyə prezidentləri arasında telefon danışığı baş tutub. Kremlin mətbuat xidmətinin məlumatına görə, Putin və Erdoğan Rusiya, Azərbaycan prezidentlərinin və Ermənistan baş nazirinin Dağlıq Qarabağla bağlı 9 noyabr tarixli Bəyanatında əksini tapmış razılaşmaların həyata keçirilməsinin gedişatını “ətraflı və bütün aspektlərdə” müzakirə ediblər.
Vladimir Putin “atəşkəs rejiminə riayət olunmasını və mülki əhalinin təhlükəsizliyini səmərəli şəkildə təmin edən” Rusiya sülhməramlılarının fəaliyyəti haqqında məlumat verib. Həmçinin qaçqınların qayıtması, infrastrukturun bərpa edilməsi, dini və mədəniyyət obyektlərinin qorunub saxlanması ilə bağlı təxirəsalınmaz humanitar problemlərin həllinin ön planda olduğu vurğulanıb.
Tərəflər Atəşkəsə və münaqişə zonasında bütün hərbi əməliyyatlara Nəzarət Mərkəzinin yaradılması üzrə işlər haqqında fikir mübadiləsi aparıblar.
Hər iki tərəf regionda sabitliyin təmin edilməsinə və dinc həyat qurulmasına yönəlmiş qərarların ardıcıl və tam şəkildə yerinə yetirilməsi zərurətini qeyd edib, deyə məlumatda bildirilir. -02D-
Siyasət
-
Rəqəmsal İnkişaf və Nəqliyyat Nazirliyi “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Aktau hava limanı yaxınlığında qəzaya uğraması ilə bağlı Beynəlxalq Mülki Aviasiya Təşkilatının (BMAT) 1944-cü il Beynəlxalq Mülki Aviasiya haqqında Çikaqo Konvensiyasının 13 saylı Əlavəsinin tələblərinə uyğun aparılan araşdırmanın ilkin hesabatı barədə məlumat yayıb.
-
Qazaxıstan Respublikasının Nəqliyyat Nazirliyi 25 dekabr 2024-cü il tarixində Aktau yaxınlığında baş vermiş Azərbaycan Hava Yollarına məxsus Embraer-190 təyyarəsinin qəzaya uğraması ilə bağlı ilkin araşdırma hesabatını dərc edib. Hesabat nazirliyin rəsmi saytında açıq şəkildə yayımlanıb.
-
Brüsselin boz, geniş səmaları altında bu ay Avropa Komissiyasında idarəetmə təşəbbüsünün bir işarəsi həyata keçirildi, Avropa İttifaqının diplomatik əlaqələrində yenilənmiş bir canlanma elan etdi. Yeni qurulan Genişlənmə və Şərq Qonşuluğu üzrə Baş Direktorat (DG ENEST) 1 Fevralda debüt etdi, İttifaqın şərq qonşuları və potensial yeni üzvlərlə qarşılıqlı əlaqələrini yenidən tənzimləmək üçün yeni bir kurs müəyyən etdi.
-
1 saylı Bakı İstintaq Təcridxanasında saxlanılan Abzas Media nəşrinin jurnalisti Nərgiz Absalamova nəzarətçi tərəfindən zorakılığa məruz qalıb.
Rəy yaz