Qarabağa qaz tədarükü məsələsində ermənilərin istəyini nəzərə almaq lazımdır

Bakı/28.03.22/Turan: "Azəriqaz" İstehsalat Birliyi martın 28-də boru kəmərində təmir başa çatdıqdan sonra Qarabağa qaz tədarükünün bərpa ediləcəyini bildirib. Bu bəyanat Qarabağ ermənilərinin isterikasına səbəb olub, onlar "Azəriqaz"ın tədarüklə heç bir əlaqəsi olmadığını, Qarabağa qazın Ermənistandan daxil olduğunu bildiriblər.

Başqa sözlə, erməni tərəfi Azərbaycanın bu məsələ ilə əlaqəsi olmasını istəmir. Bu halda Bakı Qarabağ ermənilərinin istəklərini nəzərə ala və bu regionun qaz təchizatını bərpa etməyə bilər.

"Azəriqaz"ın bu məsələ ilə əlaqəsi yoxdursa, qoy Ermənistandakı tədarükçülər bunu Qarabağ ermənilərinin istədiyi kimi etməyə çalışsınlar.

Xatırladaq ki, martın 8-də Şuşa şəhəri yaxınlığında qaz kəmərində qəza baş verməsi ilə əlaqədar qaz təchizatı dayandırılmışdı. Qəza "Azəriqaz" mütəxəssisləri tərəfindən aradan qaldırılıb. -02B-