Qarabağda erməni hərbçi həlak olub

Bakı/13.06.19/Turan: Qarabağda qoşunların təmas xəttində atışma nəticəsində erməni hərbçi həlak olub, Ermənistan Müdafiə Nazirliyi məlumat yayıb.

Məlumata görə, "iyunun 13-də saat 17:05-də şimal istiqamətində qarşı tərəfdən açılan atəş nəticəsində 1999-cu ildə anadan olmuş hərbi qulluqçu Artyom Vazqenoviç Xaçatryan ölümcül yaralanıb".

Son həftələr qoşunların təmas xəttində gərginliyin artması müşahidə olunur.

Mayın 30-da Qarabağ münaqişə zonasında azərbaycanlı hərbçi Aqil Ömərov həlak olub.

Erməni tərəfi iyunun 1-də əsgər Sipan Melkonyanın həlak olduğunu bildirib.

İyunun 9-da cəbhənin Tərtər rayonu istiqamətində qarşı tərəfin açdığı atəş nəticəsində Azərbaycan ordusunun hərbçisi Elşən Vüqar oğlu Xəlilov həlak olub.

Ermənistanın müdafiə naziri David Tonoyan azərbaycanlı hərbçinin ölümünü "cəza əməliyyatı" adlandırıb və bu əməliyyatın iştirakçılarını mükafatlandırıb.

İyunun 12-də erməni hərbçiləri planlı təlim uçuşları həyata keçirən Azərbaycan HHQ-nin aviasiya vasitələrinə uğursuz hücum ediblər. -06D--