Qarabağda vəziyyətin gərginləşməsilə bağlı Rusiya Xarici İşlər Nazirliyinin bəyanatı

Bakı/04.08.22/Turan: “Biz Laçın dəhlizi ərazisində və təmas xəttinin digər hissələrində gərginliyin artması ilə bağlı hədsiz narahatlığımızı bildiririk. Təəssüf ki, qurbanlar var. Həlak olanların doğmalarına və yaxınlarına dərin hüznlə başsağlığı verir, yaralılara şəfa diləyirik”,- cümə axşamı Rusiya Xarici İşlər Nazirliyinin bəyanatında deyilir.

“Rusiya sülhməramlıları vəziyyəti sabitləşdirmək üçün hər cür səy göstərirlər. Hər iki tərəflə bütün kanallar və bütün səviyyələrdə, o cümlədən ölkənin ali rəhbərliyi səviyyəsində aktiv iş aparılır.

Rusiyanın xarici işlər naziri Sergey Lavrov azərbaycanlı və erməni həmkarları ilə sıx təmasdadır.

Tərəfləri təmkinli olmağa və atəşkəs rejiminə riayət etməyə çağırırıq. Biz ona əsaslanırıq ki, mövcud ziddiyyətlərin nizamlanması yalnız siyasi-diplomatik vasitələrlə, tərəflərin mövqeləri nəzərə alınmaqla və Rusiya, Azərbaycan və Ermənistan liderlərinin 9 noyabr 2020-ci il tarixli bəyanatının müddəalarına ciddi riayət edilməklə həyata keçirilməlidir”, - məlumatda deyilir. 02D