Bakı/18.08.22/Turan: Avqustun 24-də Qazaxıstan prezidenti Kasım-Jomart Tokayev Bakıya rəsmi səfərə gələcək. Səfər Azərbaycan prezidenti İlham Əliyevin dəvətilə baş tutacaq. Bu barədə avqustun 18-də Qazaxıstan prezidentinin mətbuat xidməti məlumat yayıb.
İki ölkə liderlərinin danışıqlarının gündəliyində Qazaxıstan-Azərbaycan strateji tərəfdaşlıq məsələləri daxildir. Əsas diqqət ticarət-iqtisadi, nəqliyyat-logistika və mədəni-humanitar əməkdaşlığın möhkəmləndirilməsinə yönələcək.
Danışıqların yekunlarına əsasən bir sıra ikitərəfli sənədlərin imzalanması planlaşdırılır.
Avqustun 19-da Tokayev Rusiya prezidentilə görüşmək və “aktual məsələləri müzakirə etmək” üçün Soçiyə gedəcək.
Qazaxıstanda neftin Rusiya vasitəsilə Xəzər Boru Kəməri Konsorsiumu ilə nəqlində yaranmış çətinliklərlə əlaqədar Azərbaycan Qazaxıstandan karbohidrogenlərin ixracı üçün mümkün alternativ marşrutlardan biri hesab olunur.–06B-
Siyasət
-
Azərbaycan Xalq Cəbhəsi Partiyasının lideri Əli Kərimli məhkəmənin ona qarşı iddianı icraata götürməsini siyasi sifarişin icrası kimi qiymətləndirib.
-
“On illərdir ki, müxalifət lideri Tofiq Yaqublu Azərbaycanda məhkəmə təqibinə məruz qalıb. O, dekabrda həbs olunub və məhkəmə qarşısına çıxarılacaq.
-
Azərbaycan Müdafiə Nazirliyi və NATO-nun Brunssum Birgə Qüvvələr Komandanlığının təşkilatçılığı, Medianın İnkişafı Agentliyinin dəstəyi ilə Bakıda strateji kommunikasiyalar mövzusunda kurs keçirilib. Kursda dövlət qurumlarının nümayəndələri iştirak ediblər, Azərbaycan Müdafiə Nazirliyinin mətbuat xidməti bildirib.
-
İstanbul Universitetinin doktorantı Fazil Qasımov artıq 91 gündür aclıq edir. O, “qanunsuz həbsinə” etiraz edir.
Rəy yaz